सई ताम्हणकर भडकली! प्राजक्ता माळीच्या ‘त्या’ कान्स लूकवर थेटच बोलली; म्हणाली ‘काय परिधान करावं आणि……..’

🕒 1 min read

सोशल मीडियावर कधी कोणाला ट्रोल केलं जाईल आणि कधी कोणाचं कौतुक होईल, याचा काही नेम नाही. याचाच प्रत्यय आता पुन्हा एकदा आलाय. निमित्त ठरलंय ते नुकताच पार पडलेला कान्स फिल्म फेस्टिव्हल (Cannes Film Festival) आणि अभिनेत्री प्राजक्ता माळीचा बहुचर्चित मराठमोळा लूक!

कान्सच्या रेड कार्पेटवर प्राजक्ताने मराठमोळा साज केला खरा, पण काही नेटकऱ्यांना तो खटकला. तिच्या कपड्यांवरून थेट अंगप्रदर्शनाचा आरोप करत अनेकांनी तिला ट्रोल केलं. आता या संपूर्ण प्रकरणावर अभिनेत्री सई ताम्हणकर (Saie Tamhankar) हिने मौन सोडलं असून, ट्रोलर्सला सडेतोड उत्तर दिलंय.

Saie Tamhankar on Prajakta

‘महाराष्ट्र टाईम्स’ला नुकत्याच दिलेल्या एका मुलाखतीत सईने Prajakta Mali Cannes Look वर स्पष्ट शब्दांत आपली भूमिका मांडली. प्राजक्ताचं भरभरून कौतुक करताना सई म्हणाली, “प्राजक्ताने ज्या आत्मविश्वासाने आणि ग्रेसने रेड कार्पेटवर स्वतःला कॅरी केलं, ते मला खूप आवडलं.”

ट्रोलर्सचा समाचार घेत सईने पुढे एक मोठी आणि रोखठोक भूमिका मांडली. ती म्हणाली, “काही जणांना ते झोंबलं जरी असलं, तरी ते एका अर्थी चांगलंच झालं. कारण याचा अर्थ लोकांचं तिच्याकडे लक्ष होतं. कोणी काय परिधान करावं, हा ज्याचा त्याचा वैयक्तिक प्रश्न आहे.” लोक काही ना काही बोलणारच आहेत, त्यापेक्षा आपण ते क्षण साजरे का करू नयेत, असा थेट सवालच सईने उपस्थित केलाय.

दरम्यान, स्वतः कान्सला जाण्याबद्दल सईने तिची इच्छा व्यक्त केली. भविष्यात कधी कान्सला जायची संधी मिळाली, तर स्वतःच्या एखाद्या सिनेमाच्या सादरीकरणासाठी जायला आवडेल, असं सई म्हणाली. लवकरच ती ‘तुंबाडची मंजुळा’ या सिनेमातून प्रेक्षकांच्या भेटीला येणार आहे. पण तूर्तास, सईच्या या प्रतिक्रियेमुळे मनोरंजन विश्वात चांगलीच खळबळ उडाली आहे.

📌 महत्वाच्या बातम्या

• “आईनेच लिव्ह-इनमध्ये राहायला सांगितलं…..”; तेजस्वीचा मोठा खुलासा, बॉयफ्रेंडसोबत थाटणार संसार?
• “लग्नानंतर कोणीच मिस्टर परफेक्ट नसतो…”, राकेश बापटच्या पूर्व पत्नीचं लग्नावर मोठं वक्तव्य
• काव्या मारनचा कृणालच्या गोलंदाजीवर संताप; गोलंदाजी पाहून काव्याच्या चेहऱ्यावर प्रश्नचिन्ह

📈 लोकप्रिय बातम्या

सोन्या-चांदीच्या दरात मोठी घसरण; अचानक भाव का कोसळले? जाणून घ्या

लाडकी बहीण योजनेच्या हप्त्याची तारीख जाहीर, पण लाभार्थ्यांच्या संख्येत मोठी घट?

‘मुंबईवर आपलं वर्चस्व, मराठी माणसांना प्रवेश नको’; प्रसाद वेदपाठकच्या ट्विटवर रिप्लाय, पोस्ट व्हायरल