मुंबई– दगडावरचे हातांचे ठसे घेऊन ते थेट आधार कार्डला लिंक करता येऊ शकतात का? दिल्लीतील आंदोलनाबाबत असाच एक अजब दावा करून भाजप नेते चंद्रकांत पाटील सध्या चांगलेच चर्चेत आले आहेत.
त्यामुळेच आता राजकारण तापलंय. दिल्लीत झालेल्या सीजेपी (CJP) आंदोलनातील दगडांवरून महाराष्ट्रात शाब्दिक चकमक उडाली आहे. चंद्रकांत पाटलांनी पोलिसांच्या तपासाबाबत एक विधान केलं होतं. यावरून ठाकरे गटाचे खासदार संजय राऊत (Sanjay Raut) यांनी पाटलांची जोरदार खिल्ली उडवली आहे.
चंद्रकांत पाटलांना नोबेल द्या, संजय राऊतांचा खोचक टोला
राऊत यांनी पाटलांची थेट नोबेल पुरस्कारासाठी शिफारस करावी. नाहीतर देश एका मोठ्या वैज्ञानिकाला मुकेल, असा टोला लगावला. इतकंच नाही, तर त्यांना एखाद्या जागतिक विज्ञान विद्यापीठाचं कुलगुरू करा, असंही राऊत मिश्किलपणे म्हणाले.
हा एवढा मोठा शोध आहे! आधारचे जनक नंदन निलेकणी हे ऐकून दोन दिवस कोमातच गेले असतील. असा चिमटा राऊतांनी काढला. पाटलांचा दगडांशी जुना संबंध आहे. छातीवर दगड ठेवणं असो वा रस्त्यावरचे दगड. त्यांच्या पक्षात सध्या सगळे ‘दगड-धोंडे’ आणि बिनडोक लोक भरलेत, अशी घणाघाती टीका राऊतांनी केली.
नेमकं प्रकरण काय?
दिल्लीत सीजेपी आंदोलनावर राहुल गांधी आणि अभिजीत दीपके यांनी अमित शहांच्या राजीनाम्याची मागणी केली होती. त्यावर बोलताना पाटलांनी हा दावा केला. जंतरमंतरवर पडलेल्या दगडांवरील ठसे तपासले जातील. ते आधारशी लिंक करून गुन्हेगार शोधले जातील. असं पाटील म्हणाले होते.
दुसरीकडे… अमित शहांच्या पुणे दौऱ्यावरूनही राऊतांनी भाजपला लक्ष्य केलं. आम्ही लोकमान्य टिळक, महात्मा गांधी, सरदार पटेल यांचे विचार मानणारे लोक आहोत. त्यामुळे आमची भूमिका मांडण्याचा आम्हाला पूर्ण अधिकार आहे, असं राऊत यांनी ठणकावून सांगितलं.
📌 महत्वाच्या बातम्या
- मोदी सरकारची मोठी घोषणा; PM-KISAN योजनेला 2030-31 पर्यंत मुदतवाढ
- गर्भलिंगनिदान आरोपींवर MCOCA लावणार! आरोग्य मंत्री प्रकाश आबिटकरांची मोठी घोषणा
- RBI चा नवा फॉर्म्युला! नियम बदलले; मोठ्या ठेवींना मिळणार वेगवेगळे व्याजदर
बातम्यांसाठी YouTube चॅनेल Subscribe करा
Subscribe Now
