मुंबई : ‘जेन झी’ (Gen Z) म्हणजेच आजच्या तरुण पिढीने पुकारलेल्या आंदोलनांवर राज ठाकरे (Raj Thackeray) यांनी भाष्य केले. यावेळी त्यांनी पंतप्रधान नरेंद्र मोदींच्या (PM Modi) एका अलीकडील व्हिडिओचा संदर्भ दिला. राज ठाकरे म्हणाले, “मी पंतप्रधानांचा नवीन व्हिडिओ पाहिला. त्यात त्यांनी म्हटले आहे की, आंदोलकांकडून वापरली गेलेली भाषा आणि व्हिडिओ अयोग्य होते. मी या मताशी सहमत आहे. कोणाविरुद्धही अशी अपमानास्पद भाषा वापरली जाऊ नये. मात्र, मी पंतप्रधानांना हेही सांगेन की त्यांनी आपल्या पक्षातील लोकांवरही लक्ष द्यावे. महात्मा गांधी, नेहरू आणि इंदिरा गांधी यांच्या काळापासून ते आजपर्यंत, तुमच्या बाजूचे लोक म्हणजेच ‘ट्रोल’ प्रत्येक राज्यात कार्यरत आहेत. ते जी भाषा वापरतात, त्याकडे जरा पहा. पंतप्रधानांनी त्यांनाही हे थांबवण्यास सांगितले पाहिजे. हा प्रकार गेल्या १२ वर्षांत सुरू झाला. याची सुरुवात भाजपच्या ‘ट्रोल आर्मी’पासून झाली.
“तीच गोष्ट आता तुमच्या अंगलट आली आहे. मोदी म्हणाले की त्यांना शिव्या दिल्या गेल्या आणि त्यांच्या आईचा अपमान केला गेला. हे चुकीचे आहे. मी हे मनापासून म्हणतो. मला पंतप्रधानांना हे सांगायचे आहे की इतरांनाही आया असतात. तुमच्या पक्षातील लोकांना मर्यादा पाळायला सांगा. नरेंद्र मोदी म्हणतात की त्यांनी त्या तरुणांना माफ केले आहे, पण गेल्या १२ वर्षांत तुमच्या लोकांनी जे काही केले आहे, त्याबद्दल कोण माफी मागणार? जंतर-मंतरवर लोकांची डोकी फोडली गेली होती.
Raj Thackeray criticises BJP and PM Modi
“त्याचे आदेश देणारे लोक कधी माफी मागणार? राज ठाकरे पुढे म्हणाले, “मला याच्या मूळ कारणाबद्दल प्रश्न पडतो. NEET परीक्षा हे नक्कीच एक कारण आहे. पण सर्वत्र मिळालेला प्रतिसाद पहा, केवळ विद्यार्थीच नव्हते, तर तरुण-तरुणीही त्यात होते. ते रस्त्यावर का उतरले? याचे कारण आजूबाजूच्या वातावरणात दडलेले आहे. NEET पेपरफुटी ही केवळ एक ठिणगी होती, पण जो तीव्र संताप उसळला, तो साचलेल्या तक्रारींमधून निर्माण झाला आहे.
“आपल्याकडे उद्याने नाहीत, सर्वत्र पाणी साचलेले असते. मुलांसाठी खेळायला मैदाने नाहीत आणि बाहेर जायला जागा नाही. शिक्षण पूर्ण होऊनही नोकऱ्या नाहीत. कंपन्या खाजगी व्यक्तींच्या हाती सोपवल्या जात आहेत. एकाच उद्योगपतीवर मेहरबानी केली जात आहे. देशात केवळ निवडणुकांचेच वातावरण आहे. आमदार आणि खासदारांची फोडाफोडी सुरू आहे.” दरम्यान, राज ठाकरे यांनी भाजप तसेच पंतप्रधान नरेंद्र मोदी यांच्यावर जोरदार टीका केली.
📌 महत्वाच्या बातम्या
- CWG 2026 Boxing : तब्बल 10 भारतीय बॉक्सर्स फायनलमध्ये; भारताला सुवर्ण इतिहास रचण्याची सुवर्णसंधी
- IMD Weather Update: ऑगस्टमध्ये पावसाची दडी की मुसळधार? विदर्भ-मराठवाड्यासाठी सर्वात मोठी बातमी
- LIVE भाषणात अमित ठाकरे अचानक ब्लँक; ‘मी विसरायला लागलो…’ म्हणत स्टेजवरून निघून गेले
बातम्यांसाठी YouTube चॅनेल Subscribe करा
Subscribe Now
