पेरणी तर झाली, पण आभाळ फाटणार की काय, अशी भीती वाटत होती ना? तब्बल दहा दिवसांच्या दडीनंतर अखेर वरुणराजाने महाराष्ट्रात दमदार (Maharashtra Weather) कमबॅक केलंय.
जुलैच्या पहिल्या आठवड्यात झालेल्या पावसानंतर बळीराजाने पेरण्या उरकल्या. पण त्यानंतर पावसाने अचानक ओढ दिली. पिके करपण्याची वेळ आल्याने शेतकऱ्यांच्या तोंडचे पाणी पळाले होते. सुदैवाने, आता शुक्रवार आणि शनिवारपासून राज्यातील अनेक भागांत पावसाने पुन्हा हजेरी लावली असून मोठा दिलासा मिळाला आहे.
Maharashtra Weather Update
महाराष्ट्रात पावसासाठी पुन्हा एकदा पोषक वातावरण तयार झालंय. भारतीय हवामान विभागाने (IMD) दिलेल्या माहितीनुसार, पुणे, सातारा, सोलापूर आणि अहिल्यानगरमध्ये मुसळधार पावसाची शक्यता आहे.
दुसरीकडे, मराठवाडा आणि विदर्भातील अनेक जिल्ह्यांनाही पावसाचा अलर्ट दिला आहे. येत्या २० जुलैपासून या पावसाचा जोर आणखी वाढणार असल्याचा अंदाज हवामान विभागाने वर्तवला आहे.
देशाचा विचार केला, तर हवामान विभागाने तब्बल १३ राज्यांमध्ये हाय अलर्ट जारी केलाय. उत्तर प्रदेश, बिहार, दिल्ली, राजस्थान, उत्तराखंड, हिमाचल प्रदेश, पंजाब, जम्मू-काश्मीर, झारखंड, पश्चिम बंगाल, ओडिशा आणि छत्तीसगडमध्ये मुसळधार ते अतिमुसळधार पाऊस कोसळण्याची शक्यता आहे.
या काळात नुसता पाऊस नाही, तर ताशी ८० ते ९० किलोमीटर वेगाने भयंकर वादळी वारे वाहतील, असा इशारा आयएमडीने दिला आहे. त्यामुळे नागरिकांनी विनाकारण घराबाहेर पडू नये आणि मच्छिमारांनी समुद्रात जाऊ नये, अशा स्पष्ट सूचना प्रशासनाने दिल्या आहेत.
📌 महत्वाच्या बातम्या
- ‘रामरक्षकांसोबत आहात की मंदिर लुटणाऱ्यांसोबत?’ उद्धव ठाकरेंचा फडणवीसांना थेट सवाल
- सुप्रिया सुळेंना डॉक्टरांनी दिला ‘व्हॉइस रेस्ट’ सल्ला; पुढील 2 आठवडे भाषणे आणि मुलाखती बंद
- उद्धव ठाकरेंसारखा घर बसल्या पाठिंबा देतात; सामाजिक कार्यकर्त्या दमानिया यांचा टोला
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
