Google Search Engine : जगात कोणत्याही गोष्टीची माहिती मिळवण्यासाठी सर्वजण गूगलची (Google) मदत घेतात मात्र आता सर्च इंजिनच्या (Google Search Engine) जगात काही मोठे बदल होताना दिसत आहे. 2015 नंतर पहिल्यादांच गूगलचा बाजार हिस्सा 90 टक्केपेक्षा कमी होण्याची शक्यता वर्तवण्यात येत आहे. याचा कारण म्हणजे आता लोक बिंग, यांडेक्स किंवा एआय आधारित सर्च टूल्ससारख्या इतर सर्च इंजिनकडे वळत आहेत. त्यामुळे 2024 च्या अखरेस गूगलचा बाजार हिस्सा कमी होणार असल्याची शक्यता वर्तवण्यात येत आहे.
माहितीनुसार, 2024 च्या शेवटच्या तीन महिन्यांत, 2015 नंतर पहिल्यांदाच, गुगलचा सर्च इंजिन मार्केट शेअर 90% पेक्षा कमी झाला. ऑक्टोबर 2024 मध्ये गुगलचा वाटा 89.34%, नोव्हेंबरमध्ये 89.99% आणि डिसेंबरमध्ये 89.73% होता. अहवालानुसार, ही घसरण प्रामुख्याने आशियामध्ये दिसून आली, तर इतर भागांमध्ये गुगलचा वाटा स्थिर राहिला.
मार्च 2015 मध्ये गुगलचा शेअर 89.52% पर्यंत घसरला होता आणि त्यावेळी जानेवारी आणि फेब्रुवारीमध्येही घसरण दिसून आली होती. आता गुगलचा वाटा 90% पेक्षा कमी असल्याने हा गूगलला मोठा धक्का मानला जात आहे.
अमेरिकेत गुगलची स्थिती कमकुवत
तर दुसरीकडे अमेरिकेतही गुगलची स्थिती कमकुवत झाली आहे. नोव्हेंबर 2024 मध्ये गुगलचा बाजार हिस्सा 90.37% होता, परंतु डिसेंबरमध्ये तो 87.39% पर्यंत घसरला. याची कारणे अद्याप स्पष्ट झालेली नाहीत, परंतु असे मानले जाते की लोक आता ChatGPT आणि Perplexity सारख्या AI-आधारित सर्च इंजिनचा वापर अधिक करत आहेत. तर स्टेटकाउंटर सारखी साधने बहुतेकदा बिंग, यांडेक्स, याहू, बायडू, डकडकगो आणि इकोसिया सारख्या लेगसी सर्च इंजिनचा रिव्यू घेतात.
या सर्च इंजिनांनी गुगलचा काही वाटा घेतला आहे आणि 2024 च्या शेवटच्या 5 महिन्यांत बिंगने सुमारे 4% हिस्सा मिळवत दुसऱ्या स्थानावर कायम आहे. गुगलसमोरील आव्हाने वाढली ही घसरण गुगलसाठी आव्हानात्मक आहे, कारण गेल्या दोन वर्षांपासून गुगलवर आरोप होत आहेत की गूगलचे सर्च रिजल्ट आता पूर्वीसारखे फायदेशीर राहिलेले नाही.
गुगलचा बहुसंख्य हिस्सा 90-92% दरम्यान स्थिर राहिला, परंतु आता त्याचे वर्चस्व कमकुवत होताना दिसत आहे. गुगलवर अमेरिकन न्यायालयांमध्ये विश्वासघातविरोधी खटले सुरू आहेत, जे त्याच्या मक्तेदारीच्या स्थितीवर प्रश्नचिन्ह उपस्थित करतात. या सगळ्यामध्ये, गुगलला त्याच्या सर्च इंजिनची गुणवत्ता आणि वापरकर्ता अनुभव सुधारण्यासाठी नवीन मार्ग शोधावे लागणारे हे मात्र आता निश्चित आहे.
महत्वाच्या बातम्या :
