बाजारात सध्या फक्त आणि फक्त ‘एसयूव्ही’ गाड्यांचीच हवा आहे, असा तुमचाही समज असेल ना? पण हा समज मारुतीने पार खोटा ठरवलाय. ग्राहकांचा कल बदलत असला तरी एका जुन्या आणि विश्वासू कारने पुन्हा एकदा सर्वांना मोठा धक्का दिलाय.
ऑटोमोबाईल क्षेत्रात सध्या एकच चर्चा सुरू आहे, ती म्हणजे मारुती सुझुकीच्या (Maruti Dzire) या कॉम्पॅक्ट सेडानच्या जबरदस्त कामगिरीची. एसयूव्हीच्या वादळातही या गाडीने आपला दबदबा कायम ठेवला असून, २०२५-२६ या आर्थिक वर्षात ती देशातील सर्वाधिक विक्री होणारी कार (Best Selling Car) ठरली आहे.
Maruti Dzire Best Selling Car
नुकत्याच समोर आलेल्या आकडेवारीनुसार, एप्रिल २०२५ ते फेब्रुवारी २०२६ या केवळ ११ महिन्यांत ग्राहकांनी तब्बल २,०७,००० हून अधिक डिझायर खरेदी केल्या आहेत. संपूर्ण २०२५ वर्षात हा आकडा २,१४,००० युनिट्सच्या घरात पोहोचलाय. या मोठ्या आकड्यांनी भल्याभल्या प्रतिस्पर्धी कंपन्यांची झोप उडवली आहे.
२००८ साली पहिल्यांदा भारतीय रस्त्यांवर उतरलेली डिझायर आजही ग्राहकांच्या गळ्यातील ताईत आहे. काळाची पावलं ओळखून कंपनीने यात मोठे बदल केले. आता डिझेल इंजिन बंद करून फक्त पेट्रोल आणि सीएनजी (CNG) पर्याय बाजारात आणले आहेत. वाढत्या इंधनाच्या किमती पाहता, सध्या सीएनजी मॉडेलला ग्राहकांच्या अक्षरशः उड्या पडत आहेत. सुरुवातीला कमर्शियल टॅक्सी आणि मध्यमवर्गीय कुटुंबांची पहिली पसंती असलेली ही गाडी आता आपल्या नव्या अवतारातही हिट ठरली आहे.
किंमतीचा विचार केल्यास, डिझायरची एक्स-शोरूम किंमत ६.५७ लाख ते ९.३९ लाख रुपयांच्या दरम्यान आहे. ऑटो तज्ज्ञांच्या मते, मारुतीचे देशभरातील मजबूत सर्व्हिस नेटवर्क, दमदार मायलेज आणि उत्कृष्ट ‘रिसेल व्हॅल्यू’ या त्रिसूत्रीमुळेच Maruti Dzire Best Selling Car India 2026 च्या शर्यतीत नंबर वनवर विराजमान आहे. तरुणाईला भुरळ घालणारे आधुनिक फीचर्स आणि सुरक्षिततेमुळे ही कार आजही भारतीय रस्त्यांवर आपला जलवा दाखवत आहे.
📌 महत्वाच्या बातम्या
- MS Dhoni IPL 2026 : थालाने हातात बॅट घेतली अन् गोलंदाजांची झोप उडाली; ‘त्या’ एका व्हिडिओने क्रिकेटविश्वात खळबळ!
- रोहित-विराट गायब, गिल-मंधाना किंग! BCCI च्या मोठ्या घोषणेने क्रिकेट वर्तुळात खळबळ
- ‘जयराम चाटे येतोय, तुला कृष्णा आंधळे दाखवतो’; भररस्त्यात तरुणावर सपासप वार, बीड पुन्हा हादरलं!
