Anil Desai | मुंबई : सहा महिन्यांपूर्वी एकनाथ शिंदे यांनी शिवसेनेच्या ४० आमदारांसह बंड पुकारलं आणि भाजपसोबत युती करत राज्यात शिंदे-फडणवीस सरकार स्थापन केलं. तेव्हापासून हे सरकार बेकायदेशीर असल्याचा दावा विरोधकांकडून केला जाऊ लागला. परिणामी नेमकी शिवसेना कुणाची?, या वादाला सुरुवात झाली. दरम्यान, शिवसेना पक्ष आणि पक्षाचे चिन्ह कुणाचे? यावर थोड्याच वेळात निवडणूक आयोगाकडे सुनावणी होणार आहे.
अशातच ठाकरे गटाचे नेते अनिल देसाई यांनी शिंदे गट आणि त्यांच्या वकिलांवर खोचक टीका केली आहे. ते म्हणाले, “शिंदे गटाचे वकील हे मागच्यावेळी हास्यास्पद दावा करत होते. ज्या लोकांना पक्षातून बाद केलेले आहे. ते लोक पक्षावर दावा करत असतील तर हे हास्यास्पद आहे.”
“उद्या शिंदे गटाचे वकील मीच मुख्य नेता असल्याचे म्हणतील. पण त्यांच्या म्हणण्याला काहीही अर्थ नाही. निवडणूक आयोग नियमांनुसार काम करते, ते योग्य निकाल घेतील”, असं म्हणत अनिल देसाई (Anil Desai) यांनी शिंदे गटाच्या वकिलांना टोला लगावला.
पुढे ते म्हणाले, “न्याय देणे निवडणूक आयोगाच्या हातात आहे, त्याच्या प्रतिक्षेत आम्ही आहोत. पण हे करत असताना सर्व बाजू पडताळून पाहणं, दस्ताऐवज पाहणं, काय खरं – काय खोटं तपासलं गेलं पाहीजे. निवडणूक आयोग याची छाननी करेल, अशी आम्हाला खात्री वाटते.”
महत्वाच्या बातम्या :
- Sanjay Raut | संजय राऊतांना ‘ते’ वक्तव्य पडलं महागात; डॉक्टर्स आणि त्यांच्या संघटनांकडून तीव्र शब्दात निषेध
- Eknath Khadse | मोठी बातमी! राष्ट्रवादी काँग्रेस नेते एकनाथ खडसे नॉच रिचेबल
- Shubhangi Patil | “विजयाची रॅली ‘मातोश्री’वर घेऊन जाणारच”- शुभांगी पाटील
- COVID-19 Variant | चीनमधल्या व्हायरसची महाराष्ट्रात एन्ट्री, आढळले 3 रुग्ण
- Chitra Wagh | “…तेव्हापासून त्यांचे मनस्वास्थ ठीक नाही”; चित्रा वाघ यांचं संजय राऊतांना प्रत्युत्तर
