Sanjay Raut | दिल्ली: काल अजित पवार (Ajit Pawar) 40 आमदारांसह शिंदे-फडणवीस सरकारमध्ये सामील झाले आहे. या घटनेनंतर राज्यातील राजकीय वातावरण चांगलं तापलं आहे. या घटनेवरून ठाकरे गटाचे खासदार संजय राऊत यांनी अजित पवारांवर खोचक टीका केली आहे. अजित पवारांनी शरद पवारांना (Sharad Pawar) गुरुपौर्णिमेच्या दिवशी दगा दिला असल्याचं संजय राऊत यांनी म्हटलं आहे.
Fraud politics is going on in Maharashtra politics – Sanjay Raut
संजय राऊत (Sanjay Raut) म्हणाले, “कालपर्यंत शरद पवार कुणाचे तरी गुरु होते. मात्र, गुरुपौर्णिमेच्या मुहूर्तावर गुरुला दगा देण्यात आला आहे. महाराष्ट्राच्या राजकारणामध्ये दगबाजीचं राजकारण सुरू आहे. समृद्धी महामार्गावर झालेल्या अपघातातील मृतांची चिता जळत असताना, अजित पवारांचा शपथविधी झाला आहे.”
पुढे बोलताना ते (Sanjay Raut) म्हणाले, “भारतीय जनता पक्ष महाराष्ट्राच्या संस्कृतीवर कलंक लावण्याचं काम करत आहे. त्यांना त्याची फार मोठी किंमत चुकवावी लागणार आहे. राजकारणातून, इतिहासातून आणि समाजकारणातून बाळासाहेब ठाकरे, यशवंतराव चव्हाण आणि शरद पवार यांना पुसून टाकण्याचा प्रयत्न केला जात आहे. शिवसेना आणि शरद पवार यांचा नेतृत्व संपवण्याचा प्रयत्न केला जात आहे.”
“अजित पवारांचं हे आयोजन, प्रयोजन, नियोजन फक्त उपमुख्यमंत्री पदासाठी नाही. अजित पवार यांनी आतापर्यंत उपमुख्यमंत्री पदाची शपथ घेण्याचा विक्रम केला आहे. तब्बल पाच वेळा त्यांनी उपमुख्यमंत्री पदाची शपथ घेतली आहे. परंतु यावेळी त्यांची डील फक्त उपमुख्यमंत्री पदासाठी नाही तर मुख्यमंत्री पदासाठी आहे, असही ते (Sanjay Raut) यावेळी म्हणाले.
महत्वाच्या बातम्या
- Sanjay Raut | “सध्याचे मुख्यमंत्री घरी जातील अन् अजित पवार..”; संजय राऊतांचं मोठं वक्तव्य
- Uddhav Thackeray | देवेंद्र फडणवीसांचा पोपट झाला, राज्याला मिळणार नवा मुख्यमंत्री; ठाकरे गटाची भविष्यवाणी
- Chitra Wagh | “प्रेताच्या टाळूवरचे लोणी खाणारे गिधाड तुम्ही…”; चित्रा वाघांचा संजय राऊतांवर घणाघात
- Sanjay Shirsat | बाळासाहेब ठाकरेंनी आदित्य ठाकरेंना लाथ मारून घराबाहेर काढलं असतं – संजय शिरसाट
- Sanjay Raut | देवेंद्रजी राजकीय उखाळ्या पाखळ्या कमी करा, जनतेच्या प्रश्नाकडे लक्ष द्या; ‘त्या’ व्हिडिओवरून संजय राऊतांची फडणवीसांवर टीका
