🕒 1 min read
नाशिक : राज्यभर मुसळधार पावसाने जनजीवन विस्कळीत झाले असताना भारतीय हवामान विभागाने (IMD) 7 जुलै (मंगळवार) रोजी नाशिक (Nashik) जिल्ह्यासाठी हाय अलर्ट (High Alert) जारी केला आहे. जिल्ह्यातील काही भागांमध्ये ढगफुटीसदृश अतिवृष्टी होण्याची शक्यता व्यक्त करण्यात आली आहे. या पार्श्वभूमीवर मुख्यमंत्री देवेंद्र फडणवीस (CM Devendra Fadnavis) यांनी नागरिकांना सतर्क राहण्याचे आणि प्रशासनाच्या सूचनांचे काटेकोर पालन करण्याचे आवाहन केले आहे.
राज्यात अनेक भागांत पूरस्थिती निर्माण झाली असून रस्ते, रेल्वे आणि दैनंदिन जनजीवनावर त्याचा मोठा परिणाम झाला आहे. अनेक जिल्ह्यांतील शाळांना सुट्टी जाहीर करण्यात आली आहे. काही ठिकाणी सरकारी कार्यालयांनाही सुट्टी देण्यात आली असून अनेक खासगी कार्यालयांनी कर्मचाऱ्यांना वर्क फ्रॉम होमचा पर्याय दिला आहे. मुसळधार पावसामुळे झाडे कोसळणे, घरांची पडझड आणि दरडी कोसळण्याच्या घटनांमध्ये वाढ झाली असून परिस्थिती गंभीर बनली आहे.
या पार्श्वभूमीवर मुख्यमंत्री देवेंद्र फडणवीस यांनी राज्यातील आपत्ती व्यवस्थापन कक्ष (Disaster Management Cell), विभागीय प्रशासन (Divisional Administration) आणि सर्व जिल्हाधिकाऱ्यांसोबत (All Collectors) आढावा बैठक घेतली. प्रत्येक जिल्ह्यात करण्यात आलेल्या तयारीची माहिती घेतली आहे. संभाव्य आपत्तीला तोंड देण्यासाठी आवश्यक उपाययोजनांची अंमलबजावणी करण्याचे निर्देश प्रशासनाला देण्यात आल्याचे फडणवीस यांनी सांगितले.
मुख्यमंत्री म्हणाले की, उद्याचा सर्वात महत्त्वाचा हवामानाचा इशारा नाशिक जिल्ह्यासाठी आहे. हवामान विभागाच्या (IMD) माहितीनुसार नाशिक परिसरात मोठा लो-प्रेशर बेल्ट तयार होत असून विशेषतः नाशिक-त्र्यंबकेश्वर दरम्यानच्या भागात ढगफुटी होण्याची शक्यता आहे. या भागात जवळपास 300 मिमी (300 mm) पावसाची नोंद होऊ शकते, त्यामुळे परिस्थिती अत्यंत गंभीर ठरू शकते.
संभाव्य आपत्ती लक्षात घेऊन नाशिक शहर, ग्रामीण भाग आणि त्र्यंबकेश्वर परिसरात प्रशासनाने मोठ्या प्रमाणावर तयारी केली आहे. बचाव पथके, आपत्ती व्यवस्थापन यंत्रणा आणि स्थानिक प्रशासन सतर्क ठेवण्यात आले आहे. तसेच नागरिकांच्या सुरक्षिततेसाठी विविध उपाययोजना करण्यात आल्या आहेत.
मुख्यमंत्र्यांनी नाशिककरांना अत्यावश्यक कामाशिवाय बाहेर पडू नये, नदी-नाल्यांच्या परिसरापासून दूर राहावे आणि प्रशासनाच्या सूचनांचे पालन करावे, असे आवाहन केले. या पार्श्वभूमीवर जिल्हाधिकाऱ्यांनी परिस्थितीची माहिती देण्यासाठी तातडीची पत्रकार परिषद बोलावली आहे. हवामानाचा अंदाज लक्षात घेता जिल्ह्यातील शाळांना सुट्टी जाहीर करण्याबाबतही निर्णय घेतला जाऊ शकतो, अशी माहिती समोर आली आहे.
📌 महत्वाच्या बातम्या
- ‘याच विकासामुळे उपमुख्यमंत्री ज्युपिटर हॉस्पिटलमध्ये’; राऊतांची शिंदेंवर टीका
- ‘आजचा दिवस गंभीर!’ 90 किमी वेगाने वारे वाहणार; मुख्यमंत्र्यांची नागरिकांना कळकळीची विनंती
- Maharashtra Heavy Rain: महाराष्ट्रात पावसाचा कहर; मुंबई-पुणे वाहतूक विस्कळीत, शाळांना सुट्टी
बातम्यांसाठी YouTube चॅनेल Subscribe करा
Subscribe Now
