नवी दिल्ली : वाढत्या इंधन दरांमुळे त्रस्त झालेल्या ग्राहकांना जुलै महिन्याच्या सुरुवातीलाच मोठा दिलासा मिळाला आहे. खासगी इंधन कंपनी नायरा एनर्जीने (Nayara Energy) पेट्रोल (Petrol) आणि डिझेलच्या (Diesel) दरात मोठी कपात करण्याचा निर्णय घेतला आहे. गेल्या 60 दिवसांनंतर इंधन दरात झालेली ही मोठी कपात मानली जात आहे. कंपनीने पेट्रोलच्या किमतीत प्रति लिटर 5 रुपयांची तर डिझेलच्या किमतीत प्रति लिटर 3 रुपयांची घट केली आहे.
जागतिक बाजारपेठेतील बदल आणि कच्च्या तेलाच्या किमतीतील घसरणीमुळे हा निर्णय घेण्यात आल्याचे सांगितले जात आहे. यामुळे सर्वसामान्य वाहनचालकांसह व्यावसायिकांनाही काही प्रमाणात दिलासा मिळणार आहे.
गेल्या काही काळात पश्चिम आशियातील तणावामुळे आंतरराष्ट्रीय बाजारात कच्च्या तेलाच्या पुरवठ्यावर परिणाम झाला होता. होर्मुजच्या समुद्रधुनीतील अडथळे आणि युद्धजन्य परिस्थितीमुळे तेलाच्या किमती वाढल्या होत्या. मात्र, आता परिस्थिती सुधारल्याने आंतरराष्ट्रीय बाजारात कच्च्या तेलाच्या किमती स्थिर झाल्या आहेत. पुरवठा सुरळीत झाल्यामुळे त्याचा फायदा ग्राहकांना देण्याचा निर्णय नायरा एनर्जीने घेतला आहे.
नायरा एनर्जीचे देशभरात हजारो पेट्रोल पंप असून, या सर्व केंद्रांवर सुधारित दर लागू करण्यात आले आहेत. मात्र, स्थानिक कर आणि VAT मुळे वेगवेगळ्या शहरांमध्ये पेट्रोल-डिझेलच्या अंतिम किमतींमध्ये फरक राहू शकतो.
दरम्यान, नायरा एनर्जीने दर कमी केले असले तरी सरकारी तेल कंपन्यांनी अद्याप पेट्रोल आणि डिझेलच्या दरांमध्ये कोणताही बदल केलेला नाही. देशातील मोठ्या इंधन बाजारपेठेवर नियंत्रण असलेल्या इंडियन ऑईल (Indian Oil Corporation), भारत पेट्रोलियम (Bharat Petroleum Corporation Limited) आणि हिंदुस्तान पेट्रोलियम (Hindustan Petroleum Corporation Limited) या कंपन्यांचे दर सध्या स्थिर आहेत.
यापूर्वी आंतरराष्ट्रीय परिस्थितीमुळे नायरा एनर्जीने मार्च महिन्यात पेट्रोल 5 रुपये आणि डिझेल 3 रुपयांनी महाग केले होते. त्यानंतर सरकारी कंपन्यांनीही टप्प्याटप्प्याने इंधन दरात वाढ केली होती.
महत्वाच्या बातम्या
- LPG Price Cut: व्यावसायिक गॅस सिलिंडर 183 रुपयांनी स्वस्त; जाणून घ्या नवे दर
- शिवसेनेचे श्रीकांत शिंदे आणि ओमराजे निंबाळकर मंत्रिपदाच्या शर्यतीत; एकनाथ शिंदे आज दिल्लीत
- बोगस पीक विमा काढणाऱ्यांना मोठा झटका! आधार क्रमांक 5 वर्षांसाठी ब्लॅकलिस्ट
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
