🕒 1 min read
मुंबई : महाराष्ट्राच्या राजकारणात सध्या मोठ्या घडामोडी सुरू आहेत. एकनाथ शिंदे (Eknath Shinde) यांच्या राजकीय रणनीतीमुळे उद्धव ठाकरे(Uddhav Thackeray) गटाला सलग धक्के बसत आहेत. नुकतेच ठाकरे गटातील सहा खासदारांनी शिंदे गटाला साथ दिली, तर विधान परिषद आमदार सचिन अहिर (Sachin Ahir) यांच्या पक्षप्रवेशामुळेही ठाकरे गटाला मोठा धक्का बसला.
एकीकडे उद्धव ठाकरे गटाकडून शिंदे गटावर जोरदार टीका केली जात असताना, दुसरीकडे एकनाथ शिंदे शांतपणे पक्षाची ताकद वाढवत असल्याचे चित्र आहे. आता केंद्रातील मंत्रिमंडळ विस्ताराच्या (Cabinet Expansion) चर्चेमुळे पुन्हा एकदा महाराष्ट्राच्या राजकारणात हालचालींना वेग आला आहे.
सूत्रांच्या माहितीनुसार, आगामी दोन दिवसांत केंद्रीय मंत्रिमंडळाचा विस्तार होण्याची शक्यता आहे. या विस्तारात शिवसेनेकडून (Shivsena) दोन खासदारांना मंत्रिपदाची संधी मिळू शकते, अशी चर्चा सुरू आहे. यासाठी उपमुख्यमंत्री एकनाथ शिंदे आज दुपारी दिल्लीला जाणार असल्याची माहिती आहे.
शिवसेनेकडून श्रीकांत शिंदे (Shrikant Shinde) आणि ओमराजे निंबाळकर (Omraje Nimbalkar) यांच्या नावांची मंत्रिपदासाठी चर्चा आहे. श्रीकांत शिंदे हे एकनाथ शिंदे यांचे पुत्र असून ते गेल्या 12 वर्षांपासून खासदार आहेत. पक्ष विस्तारासाठी त्यांनी सातत्याने काम केले असून, अलीकडील राजकीय घडामोडींमध्ये त्यांची भूमिका महत्त्वाची राहिली आहे.
दुसरीकडे, ओमराजे निंबाळकर यांचे नावही मंत्रिपदासाठी आघाडीवर असल्याचे बोलले जात आहे. ठाकरे गटातून शिंदे गटात आलेल्या खासदारांमध्ये ओमराजे निंबाळकर यांची सर्वाधिक चर्चा झाली होती. ओमराजे निंबाळकर यांचा मतदारांशी थेट संपर्क असून ते सातत्याने जनतेच्या प्रश्नांवर काम करत असल्याचे सांगितले जाते. त्यामुळे तरुण चेहऱ्याला संधी देण्याच्या दृष्टीने त्यांचे नाव पुढे आल्याची चर्चा आहे.
NDA मध्ये शिवसेनेची वाढलेली ताकद
ठाकरे गटातील सहा खासदार शिंदे गटात सहभागी झाल्यानंतर केंद्रातील एनडीए (NDA) सरकारमध्ये एकनाथ शिंदे यांच्या शिवसेनेची ताकद वाढली आहे. भाजपानंतर एनडीएमध्ये सर्वाधिक खासदार असलेल्या मित्रपक्षांमध्ये शिवसेनेचा समावेश झाला आहे. शिंदे यांच्या शिवसेनेकडे आता 13 खासदार आहेत, तर आंध्र प्रदेशातील Telugu Desam Partyकडे 16 खासदार आहेत.
गेल्या वर्षी एनडीए सरकार स्थापन झाल्यानंतर शिवसेनेला केंद्रात एक मंत्रिपद मिळाले होते. मात्र आता मंत्रिमंडळ विस्तारात मित्रपक्षांचा सहभाग वाढण्याची शक्यता व्यक्त केली जात आहे.
📌 महत्वाच्या बातम्या
- बिडकीनमध्ये खाकी झाली लाचार; गुन्हेगारांचे सोशलाईझिंग आणि वाळू तस्करांचे साम्राज्य, स्थानिक नेत्याच्या वरदहस्ताची इनसाईड स्टोरी!
- सचिन अहिरांच्या नावावर शिक्कामोर्तब; उपसभापती निवडणुकीत शिंदेंची खेळी
- “हिंदुहृदयसम्राट एकच!” शिर्डीत उद्धव ठाकरेंचा शाह-शिंदेंवर हल्लाबोल
बातम्यांसाठी YouTube चॅनेल Subscribe करा
Subscribe Now
