६ बंडखोर खासदारांचं भवितव्य ठरणार? ओम बिर्ला ऐकणार ठाकरेंची बाजू

🕒 1 min read

मुंबई : शिवसेना (उद्धव बाळासाहेब ठाकरे) गटातील सहा बंडखोर खासदारांच्या राजकीय भवितव्याबाबत आता लोकसभा अध्यक्ष ओम बिर्ला (Om Birla) यांच्यासमोर सुनावणीची प्रक्रिया सुरू झाली आहे. चार दिवस संपर्काबाहेर राहिल्यानंतर या सहा खासदारांनी समोर येत आपली भूमिका स्पष्ट केली होती. त्यानंतर आता ठाकरे गटालाही (Thackeray Gat) आपली बाजू मांडण्याची संधी देण्यात आली आहे.

लोकसभा अध्यक्ष ओम बिर्ला यांनी ठाकरे गटाचे खासदार अरविंद सावंत (Arvind Sawant) आणि अनिल देसाई (Anil Desai) यांना भेटीसाठी बोलावले आहे. ही भेट आज संध्याकाळी ५ वाजता होणार आहे. यावेळी बंडखोर खासदारांच्या स्वतंत्र गटाला मान्यता देऊ नये, अशी मागणी ठाकरे गटाकडून केली जाण्याची शक्यता आहे.

यापूर्वी अरविंद सावंत आणि अनिल देसाई यांनी लोकसभा अध्यक्षांना पत्र देऊन पक्षांतरबंदी कायद्याचा दाखला देत सहा खासदारांवर अपात्रतेची कारवाई करण्याची मागणी केली होती. पक्षाच्या व्हीपचे उल्लंघन केल्याचा आरोपही ठाकरे गटाकडून करण्यात आला आहे.

दरम्यान, लोकसभा अध्यक्षांसमोर हजेरी लावताना सहा बंडखोर खासदारांना त्यांच्या निर्णयाबाबत आणि कोणत्याही दबावाखाली हा निर्णय घेतला आहे का, याबाबत विचारणा करण्यात आली होती. या भेटीचा व्हिडिओ लोकसभा सचिवालयाकडे उपलब्ध असल्याची माहिती आहे.

ठाकरे गटाने यापूर्वीच बंडखोर खासदारांना पक्षातून निलंबित केले आहे. पक्षाच्या बैठकीसाठी काढण्यात आलेला व्हीप न पाळल्याने त्यांच्यावर कारवाईची मागणी केली आहे. आता लोकसभा अध्यक्ष ओम बिर्ला यांचा निर्णय या संपूर्ण प्रकरणासाठी महत्त्वाचा ठरणार आहे.

📌 महत्वाच्या बातम्या

• वैद्यकीय तज्ज्ञांना बांधकामासाठी जबाबदार धरणे चुकीचे; डॉ. नितीन राऊत यांची भूमिका
• राज ठाकरेंचा नार्वेकरांवर टीकास्त्र; माफी मागत दिलं स्पष्टीकरण
• Ketan Agrawal Death Case: केतनला लोहगडावर जायचंच नव्हतं, सियाच्या हट्टामागे होता मोठा कट?

📈 लोकप्रिय बातम्या

रेवती सुळेंच्या शाही लग्नात दिग्गजांची मांदियाळी; पण पार्थ पवारांसोबत आलेल्या ‘त्या’ चेहऱ्याचीच सर्वाधिक चर्चा!

रेवती सुळेंच्या लग्नात पार्थ पवारांसोबत आलेली ‘ती’ काश्मिरी तरुणी कोण? सोशल मीडियावर चर्चांना उधाण

‘श्वेता तुमची खूप मोठी फॅन आहे…’; भर लग्नात जया बच्चन आणि संजय राऊतांचा ‘तो’ मराठी संवाद चर्चेत