🕒 1 min read
पुणे : पुण्यातील लोहगडावरील (lohagad fort) केतन अग्रवाल (Ketan Agrawal) मृत्यू प्रकरणाने मोठी खळबळ उडाली आहे. सुरुवातीला फोटो काढताना पाय घसरून केतन दरीत पडल्याचा अंदाज व्यक्त केला जात होता. मात्र तपासात त्याला ढकलून दिल्याचा संशय व्यक्त करण्यात येत आहे. या प्रकरणात केतनची होणारी पत्नी सिया (Siya) आणि तिचा कथित प्रियकर चौकशीच्या फेऱ्यात आहेत.
या प्रकरणात आता आणखी एक धक्कादायक माहिती समोर आली आहे. ज्या दिवशी केतन लोहगडावर गेला, त्या दिवशी त्याला तिथे जायची इच्छाच नव्हती. तो वारंवार लोहगडावर जाण्यास नकार देत होता. विशेष म्हणजे केतन हा नियमित ट्रेकर होता, त्यामुळे त्याचा अचानक आलेला नकार अनेक प्रश्न उपस्थित करत आहे.
केतनचे वडील विशाल अग्रवाल यांनी सांगितल्यानुसार, लोहगडावर जाण्यास केतन तयार नव्हता. पण सियाने त्याच्या आईला फोन केला. तिने केतनला सोबत पाठवण्यासाठी त्याच्या आईची मदत घेतली. आईनं आपली सून सियाचा हट्ट पुरवला आणि केतन तिच्यासोबत जाण्यास तयार झाला.
मिळालेल्या माहितीनुसार, १९ जूनला सियाचा वाढदिवस होता. त्याआधी प्री-बर्थडे सेलिब्रेशनसाठी (Pre-Birthday Celebration) लोहगडावर जाण्याचा प्लॅन करण्यात आला होता. १८ जून रोजी सकाळी ८ वाजून २० मिनिटांनी केतन आणि सिया लोहगडासाठी रवाना झाले.
यानंतर सकाळी १० वाजून ४५ मिनिटांच्या सुमारास लोहगडावर धक्कादायक घटना घडली. केतनच्या वडिलांच्या दाव्यानुसार, सिया आणि तिचा कथित प्रियकर चेतन यांनी केतनवर हल्ला करून त्याला दरीत ढकलल्याचा संशय आहे. या घटनेत केतन सुमारे ४०० फूट खोल दरीत कोसळला आणि त्याचा मृत्यू झाला.
दरम्यान, केतनला आधीच काही संशय आला होता का? लोहगडावर जाण्यास त्याने केलेला विरोध हा केवळ योगायोग होता की त्यामागे काही कारण होते, याचा तपास पोलीस करत आहेत.
📌 महत्वाच्या बातम्या
- Pune Crime : १७ कोटींच्या शाही लग्नाची तयारी, पण नात्यातच दडलं होतं हत्येचं रहस्य
- Big News : Uniform Civil Code लागू करण्यासाठी महाराष्ट्र सरकार सज्ज
- “पैसा फेको तमाशा देखो”; संजय राऊतांचा शिंदे गटावर घणाघात
बातम्यांसाठी YouTube चॅनेल Subscribe करा
Subscribe Now
