Vijay Wadettiwar | टीम महाराष्ट्र देशा: काँग्रेस नेते राहुल गांधी (Rahul Gandhi) यांना मोदी आडनाव प्रकरणावरून गुजरात कोर्टानं दोन वर्षाची शिक्षा सुनावली होती.
गुजरात उच्च न्यायालयाच्या या निर्णयाविरोधात राहुल गांधी यांनी सर्वोच्च न्यायालयात याचिका दाखल केली होती. या याचिकेवर आज सुनावणी झाली आहे.
राहुल गांधी यांच्या शिक्षेला स्थगिती देण्याचा निर्णय सुप्रीम कोर्टाने दिला आहे. याच पार्श्वभूमीवर विधानसभा विरोधी पक्षनेते विजय वडेट्टीवार यांनी ट्विट केलं आहे. न्याय, सत्य आणि लोकशाहीचा दणदणीत विजय झाला असल्याचं विजय वडेट्टीवार यांनी म्हटलं आहे.
A resounding victory for justice, truth and democracy – Vijay Wadettiwar
ट्विट करत विजय वडेट्टीवार (Vijay Wadettiwar) म्हणाले, “न्याय, सत्य आणि लोकशाहीचा दणदणीत विजय. आमचे नेते राहुलजी गांधी यांना खोट्या खटल्यात सुनावलेल्या अन्यायकारक शिक्षेला आज देशाच्या सर्वोच्च न्यायालयाने स्थगिती दिली आहे.
उच्च न्यायालयाच्या आदेशाला स्थगिती देण्याचा सर्वोच्च न्यायालयाचा निर्णय हा केवळ कायदेशीर दिलासा नाही तर आपल्या न्यायव्यवस्थेच्या सामर्थ्याचा, सामाजिक न्याय आणि एकात्मतेच्या आदर्शांप्रती असलेल्या अखंड बांधिलकीचा पुरावा आहे.
खासदारकी रद्द करण्याची शिक्षा झाल्यानंतर प्रतिकूल परिस्थितीत राहुलजी गांधी यांनी अतुट धैर्य दाखवले. सशक्त आणि सर्वसमावेशक भारतासाठी त्यांची दृष्टी केवळ वक्तृत्व नसून सकारात्मक बदलाची दिशा असल्याचे त्यांनी दाखवून दिले आहे.”
न्याय, सत्य आणि लोकशाहीचा दणदणीत विजय.
आमचे नेते राहुलजी गांधी यांना खोट्या खटल्यात सुनावलेल्या अन्यायकारक शिक्षेला आज देशाच्या सर्वोच्च न्यायालयाने स्थगिती दिली आहे. उच्च न्यायालयाच्या आदेशाला स्थगिती देण्याचा सर्वोच्च न्यायालयाचा निर्णय हा केवळ कायदेशीर दिलासा नाही तर आपल्या… pic.twitter.com/1Ua8yRkBac
— Vijay Wadettiwar (@VijayWadettiwar) August 4, 2023
दरम्यान, सर्वोच्च न्यायालयानं शिक्षेला स्थगिती दिल्यानंतर राहुल गांधी यांना आपोआप लोकसभा सदस्यत्व बहाल झालं आहे. यासाठी फक्त राहुल गांधींना लोकसभा अध्यक्षांना एक अर्ज करावा लागेल.
यानंतर गांधी पुन्हा एकदा लोकसभेत दिसू शकतात. सध्या सुरू असलेल्या संसदेच्या पावसाळी अधिवेशनात राहुल गांधींनी ही प्रक्रिया पूर्ण केली, तर त्यांना कामकाजात सहभागी होण्यास परवानगी मिळण्याची शक्यता आहे.
महत्वाच्या बातम्या
- Supriya Sule | कोणीही सत्याचा आवाज दाबू शकत नाही; राहुल गांधींना खासदारकी मिळाल्यावर सुप्रिया सुळेंची प्रतिक्रिया
- Rahul Gandhi | आ रहा हूं, सवाल जारी रहेंगे; खासदारकी मिळाल्यानंतर राहुल गांधींचा मोदींना इशारा
- Raj Thackeray | तुमची ट्रिपल शक्ती कधी दिसणार? मनसेचा राज्य सरकारवर हल्लाबोल
- Rohit Pawar | साहेब सांगा न ही आमची फसवेगिरी कधी थांबायची? रोहित पवारांचं ‘ते’ ट्विट चर्चेत
- Devendra Fadnavis | औरंगजेब भारतीय मुस्लिमांचा हिरो होऊ शकत नाही – देवेंद्र फडणवीस
बातम्यांसाठी YouTube चॅनेल Subscribe करा
Subscribe Now
