खरा हिंदू म्हणून… ‘पप्पांच्या मांडीवर मम्मी’ वक्तव्यावरून झालेल्या टीकेवर राहुल गांधींचा भाजपवर पलटवार

‘पप्पांच्या मांडीवर मम्मी’ या विधानावरून सुरू झालेल्या वादावर काँग्रेस नेते राहुल गांधी यांनी भाजप आणि आरएसएसवर पलटवार करत सडेतोड उत्तर दिले आहे.

Published On: 

Rahul Gandhi responds to BJP criticism over his remark about Sonia and Rajiv Gandhi

प्रतिनिधी, 18 नोव्हेंबर: आई-वडिलांच्या नात्याबद्दल केलेल्या एका वक्तव्यावरून सध्या राजकीय वातावरण तापले आहे. ‘पप्पांच्या मांडीवर मम्मी’ या विधानावरून भाजपने केलेल्या टीकेला काँग्रेस नेते राहुल गांधी यांनी जोरदार प्रत्युत्तर दिले आहे. भाजप आणि आरएसएसच्या समर्थकांना द्वेषाच्या जाळ्यातून बाहेर काढणे हे एक खरा हिंदू म्हणून आपले कर्तव्य असल्याचे त्यांनी म्हटले आहे.

राहुल गांधी यांनी सोशल मीडियावर एक पोस्ट शेअर करत आपली भूमिका मांडली आहे. भाजप आणि राष्ट्रीय स्वयंसेवक संघाच्या समर्थकांच्या मनात राग, भीती आणि द्वेषाचे जाळे विणले गेले असून, त्यामुळे ते प्रेमाचा अनुभव घेऊ शकत नाहीत. त्यांना यातून मुक्त करून प्रेमाचा आनंद मिळवून देणे हे आपले कर्तव्य असल्याचे त्यांनी नमूद केले. या पोस्टमध्ये त्यांनी ‘सत्यम शिवम सुंदरम’ असाही उल्लेख केला आहे.

सोमवारी दिल्लीत सोनिया गांधी यांच्या आत्मचरित्राचे प्रकाशन झाले. यावेळी बोलताना राहुल यांनी एक किस्सा सांगितला होता. जेवण करताना आई सोनिया गांधी या अनेकदा वडील माजी पंतप्रधान राजीव गांधी यांच्या मांडीवर बसायच्या आणि लहानपणी आपल्याला हे अगदी सामान्य वाटायचे, असे ते मिश्किलपणे म्हणाले होते. यावर सोशल मीडियात संमिश्र प्रतिक्रिया उमटल्या; काहींनी टीका केली, तर अनेकांनी त्यांच्या प्रेमाचे कौतुक केले.

राहुल गांधी यांनी आपल्या स्पष्टीकरणाच्या पोस्टमध्ये कर्नाटकातील हळेबीडू येथील एका शिल्पाचा फोटो जोडला होता. यात भगवान शिव आणि माता पार्वती नंदीवर एकत्र बसलेले दिसत आहेत. या फोटोवरून आसामचे मुख्यमंत्री हिमंता बिस्वा सरमा यांनी त्यांच्यावर निशाणा साधला. कोणत्याही माणसाची तुलना देवांशी केली जाऊ शकत नाही, अशी टीका सरमा यांनी केली.

याच पोस्टवरून भाजपने थेट इतिहासाचे दाखले देत राहुल गांधींना सवाल केले आहेत. हळेबीडूचे जुने नाव द्वारसमुद्र कसे पडले, असा प्रश्न करत भाजपने ऐतिहासिक विध्वंसाची आठवण करून दिली. १३११ मध्ये अलाउद्दीन खिलजीचा सेनापती मलिक काफूर आणि १३२६-२७ मध्ये मोहम्मद बिन तुघलकाच्या सैन्याने हळेबीडूवर हल्ले करून मंदिरांची तोडफोड केली होती. तेथील खंडित मूर्तींचे हात आणि चेहरे कोणी तोडले, असा थेट सवाल भाजपने उपस्थित केला आहे.

📌 महत्वाच्या बातम्या

MHD News

सत्य, निष्पक्षता आणि नव्या दृष्टिकोनाची कास धरत, 'महाराष्ट्र देशा' प्रत्येक घटनेचं प्रामाणिक रिपोर्टिंग करत आले आहे. अचूक आणि वेगवान बातम्या लोकांपर्यंत पोहोचवणे हे आमचे ध्येय आहे.

🕘 संबंधित बातम्या

Maharashtra Desha App Logo

महाराष्ट्र देशा App डाउनलोड करा

ताज्या बातम्या सर्वात आधी — Notifications सकट!

★★★★★ 4.8 (12K+ reviews)
🔔 Breaking Alerts 📖 Offline वाचा 🎙️ Audio News 📺 Live TV

FREE पूर्णपणे मोफत — कोणतेही Subscription नाही