🕒 1 min read
प्रतिनिधी – “खाकी वर्दीतील माणूसही शेवटी माणूसच असतो ना? पण सरकारला याचा विसर पडलाय का?” असा संतप्त सवाल सध्या उपस्थित केला जात आहे. निवडणुकीच्या काळात नेत्यांच्या सभांवर आणि जाहिरातींवर कोट्यवधींची उधळण होते, पण जे पोलीस ऊन-पावसात उभे राहून बंदोबस्त करतात, त्यांची किंमत फक्त ५०० रुपये? हा प्रकार सध्या पोलीस दलात मोठी ‘खळबळ’ उडवून गेला आहे.
निवडणुकीसाठी पोलिसांच्या सुट्ट्या रद्द केल्या जातात. घरदार सोडून, जेवणाची आणि झोपेची पर्वा न करता ७२-७२ तास हे कर्मचारी Police Election Duty निभावतात. पण या कष्टाच्या बदल्यात शासनाकडून त्यांच्या हातावर टेकवले जातात ते अवघे ५०० रुपये. ही कष्टाची चेष्टा नाही तर काय? असा संताप पोलीस वर्तुळात व्यक्त होत आहे. अनेकजण निमूटपणे हे सहन करतात, पण एका पोलिसाने मात्र या अन्यायाविरुद्ध बंड पुकारलं आहे.
Police Election Duty Payment
Vilas Munde असं या धाडसी पोलीस कर्मचाऱ्याचं नाव आहे. त्यांनी शासनाकडून मिळालेले हे ५०० रुपये चक्क परत करून आपला निषेध नोंदवला आहे. “७२ तास काम करूनही जर एवढीच किंमत मिळणार असेल, तर हे पैसे नकोत,” अशा भावनेतून त्यांनी हे मानधन परत केल्याची चर्चा आहे. त्यांच्या या एका कृतीने प्रशासनाला चांगलंच आरसा दाखवण्याचं काम केलं आहे.
एकीकडे महागाई आकाशाला भिडली आहे, आणि दुसरीकडे जीवाची बाजी लावणाऱ्या पोलिसांना असं तुटपुंजं मानधन देणं, हे सरकारला शोभतं का? असा प्रश्न आता नेटकरी विचारत आहेत. विलास मुंडे यांच्या या निर्णयामुळे पोलीस वर्तुळात ‘चर्चांना उधाण’ आलं असून, वरिष्ठांकडून यावर काय प्रतिक्रिया येते, हे पाहणं महत्त्वाचं ठरेल. पण तूर्तास, ५०० रुपयांच्या या नोटेने व्यवस्थेवर एक सणसणीत थप्पड मारली आहे, हे मात्र नक्की.
📌 महत्वाच्या बातम्या
- दुखापतीमुळे कोणाचं नुकसान, कोणाचा फायदा? टीम इंडियात ‘या’ दोन वाघांची अचानक एन्ट्री!
- Gold Rate : सोनं भडकलं! 24 आणि 22 कॅरेट सोन्याचे दर जाणून घ्या….
- Babar Azam: स्मिथने सिंगल नाकारली अन् बाबरचा पारा चढला; पॅव्हेलियनमध्ये जाताना आदळली बॅट!
- IND vs NZ: ‘तोच जगातील नंबर 1 स्पिनर…’, ८२ धावा देणाऱ्या कुलदीपच्या पाठीशी उभा राहिला ‘हा’ जिगरी दोस्त!
बातम्यांसाठी YouTube चॅनेल Subscribe करा
Subscribe Now
