🕒 1 min read
IND vs NZ- भारताला त्यांच्याच घरात हरवणं, हे भल्याभल्यांना जमत नाही. पण न्यूझीलंडने २०२४ च्या कसोटी मालिकेत हे करून दाखवलं होतं, हे विसरून चालणार नाही. आता पुन्हा एकदा ‘ब्लॅककॅप्स’ भारताला वनडेत धक्का देण्याच्या तयारीत आहेत का? ११ जानेवारीला होणाऱ्या पहिल्या वनडे सामन्यासाठी न्यूझीलंडने आपली रणनीती आखली असून, त्यांच्या Playing 11 चे चित्र आता स्पष्ट होऊ लागले आहे.
न्यूझीलंडचा सध्याचा फॉर्म पाहिला तर त्यांनी मागील दोन वनडे मालिका खिशात घातल्या आहेत. पण भारतात आव्हान सोपं नसतं. या मालिकेत न्यूझीलंडचा संघ थोडा अनअनुभवी वाटत असला, तरी त्यांचा ‘जोश’ मात्र हाय आहे.
सलामीला कोण येणार?
डावाची सुरुवात करण्याची जबाबदारी अनुभवी डेव्हॉन कॉनवे (Devon Conway) आणि विल यंग यांच्या खांद्यावर असेल. कॉनवे हा भारताच्या खेळपट्ट्या चांगल्या ओळखतो, तर विल यंगला २०२३ वर्ल्ड कपचा अनुभव आहे. त्यामुळे या दोघांनी पॉवरप्लेमध्ये चांगली सुरुवात करून देणं किवींसाठी अत्यंत महत्त्वाचं ठरणार आहे.
मधल्या फळीत ‘या’ खेळाडूंचा बोलबाला
न्यूझीलंडकडे डॅरिल मिचेल आणि हेन्री निकोल्ससारखे खमके फलंदाज आहेत. डॅरिल मिचेल सध्या जबरदस्त फॉर्ममध्ये आहे आणि तो एकहाती सामना फिरवू शकतो. त्याला साथ द्यायला ग्लेन फिलिप्स असेलच. २०२४ च्या विजयात फिलिप्सने बॅट आणि बॉलने जी कमाल केली होती, ती आजही भारतीय चाहते विसरलेले नाहीत.
कॅप्टन ब्रेसवेल (Michael Bracewell) आणि गोलंदाजीची धार संघाचं नेतृत्व मायकल ब्रेसवेलकडे आहे. तो आणि ग्लेन फिलिप्स फिरकीची धुरा सांभाळतील. तर वेगवान गोलंदाजीचा भार काईल जेमिसन, झॅक फाउल्क्स आणि मायकल रे यांच्यावर असेल. विशेष म्हणजे आदी अशोक या फिरकीपटूकडे सर्वांचं लक्ष असेल. भारताच्या तगड्या बॅटिंग लाईनअपला रोखण्यासाठी या गोलंदाजांना आपल्या भात्यातील सर्व अस्त्रे बाहेर काढावी लागतील.
New Zealand Playing 11
डेव्हॉन कॉनवे (wk), विल यंग, हेन्री निकोल्स, डॅरिल मिचेल, जोश क्लार्कसन, ग्लेन फिलिप्स, मायकल ब्रेसवेल (c), झॅक फाउल्क्स, मायकल रे, काईल जेमिसन, आदी अशोक.
📌 महत्वाच्या बातम्या
- किंग कोहलीचा ‘विराट’ विक्रम; फक्त २५ धावा करताच सचिन तेंडुलकरला टाकणार मागे!
- रोहित शर्मा पुन्हा कॅप्टन होणार? जय शाह यांनी भर कार्यक्रमात फोडला बॉम्ब; ‘हितमॅन’ची रिॲक्शन बघण्यासारखी!
- BMC Election: आदेश बांदेकरांनी वाजवली बेल, दार उघडताच समोर उभे ‘हे’ दिग्गज; Video पाहून चाहते म्हणाले…
बातम्यांसाठी YouTube चॅनेल Subscribe करा
Subscribe Now
