वय पन्नाशीच्या पार गेलं तरी बॉलिवूडच्या ‘नवाब’ची क्रेझ काही कमी झालेली नाही, हे तुम्हाला माहितीये का? सध्या युरोपमध्ये सुट्ट्यांची मज्जा लुटणाऱ्या सैफ अली खानचा एक नवा लूक इंटरनेटवर अक्षरशः आग लावतोय.
करीना कपूर (Kareena Kapoor) खान सध्या पती सैफ आणि दोन्ही मुलांसोबत युरोप ट्रिपवर आहे. नुकतंच करीनाने तिच्या इन्स्टाग्रामवर सैफचा (Saif Ali Khan) निळ्याशार समुद्रातून बाहेर येतानाचा एक शर्टलेस फोटो शेअर केला. या फोटोला तिने ‘#HotHusband’ असं खास कॅप्शन दिलं आणि सोशल मीडियावर एकच चर्चा सुरू झाली.
Kareena Kapoor Saif Ali Khan
फोटोमध्ये सैफ भगव्या रंगाची स्विम शॉर्ट्स घालून समुद्रातून बाहेर येताना दिसतोय. ५५ व्या वर्षीही त्याचा हा फिटनेस पाहून अनेकांना ‘रेस २’ मधल्या सैफची थेट आठवण झाली आहे. बॉलिवूडच्या या ‘रॉयल कपल’चे हे फोटो सध्या चाहत्यांसाठी फॅशन गोल्स ठरत आहेत.
एकीकडे चाहते या फोटोंवर प्रेमाचा वर्षाव करत ‘बेस्ट आणि हॉटेस्ट कपल’ अशा कमेंट्स करत आहेत. बहीण रिया कपूरनेही ‘मिस यू गाईज’ अशी कमेंट केलीय. पण दुसरीकडे, एका युजरने भन्नाट सवाल करत विचारलं की, “डॅडी स्विमिंग करतायत, मम्मी फोटो काढतेय, मग मुलं नक्की कुठे आहेत?”
सूत्रांनी दिलेल्या माहितीनुसार, करीना आणि सैफने युरोपमधील लोकेशन अद्याप गुलदस्त्यात ठेवलं आहे. पण त्यांचा हा समर व्हॅकेशनचा प्लॅन चांगलाच हिट ठरलाय. २०१२ मध्ये लग्नबंधनात अडकलेल्या या जोडीचा सुखी संसार आजही अनेकांसाठी आदर्श आहे.
📌 महत्वाच्या बातम्या
- रायगडमध्ये पुराचा हाहाकार; एक-दोन नव्हे तब्बल ३००० गॅस सिलिंडर पाण्यात वाहून गेले, प्रशासनाची उडाली झोप!
- रुपाली चाकणकरांच्या २५ कोटींच्या दाव्यावर दीपाली सय्यद यांचं सडेतोड उत्तर; म्हणाल्या, ‘सिनेमा तर…’
- ‘माझ्या नवऱ्याने ५० अफेअर करू दे, तुझ्या बापाचं काय?’; ‘अंगुरी भाभी’वर भडकल्या गोविंदाच्या पत्नी, शोमध्ये मोठा राडा
