प्रतिनिधी, 11 नोव्हेंबर: बॉलिवूड अभिनेता सैफ अली खान सध्या त्याच्या एका फिटनेस व्हिडीओमुळे सोशल मीडियावर चर्चेत आला आहे. काही काळापूर्वीच इन्स्टाग्रामवर पदार्पण केलेल्या ५६ वर्षीय सैफने नुकताच शर्टलेस होऊन सूर्यनमस्कार घालतानाचा आपला व्हिडीओ शेअर केला आहे. त्याचा शाही अंदाज आणि खास जीवनशैली नेहमीच चाहत्यांना आकर्षित करते.
चार मुलांचा बाबा असलेल्या सैफचा हा फिटनेस पाहून चाहते थक्क झाले आहेत. मात्र, त्याच्यापेक्षा १० वर्षांनी लहान असलेली पत्नी करीना कपूर हिने त्याला यावरून एक ओपन चॅलेंज दिले आहे. सैफच्या व्हिडीओवर कमेंट करताना करीनाने हार्ट इमोजी शेअर केले आणि लिहिले, “सूर्यनमस्कारात मला बीट करून दाखवाच, मी बघते.”
या व्हिडीओमध्ये सैफ एका सुंदर निसर्गरम्य ठिकाणी मोकळ्या आकाशाखाली योगा करताना दिसत आहे. या पोस्टला त्याने एक खास कॅप्शन दिले आहे. ‘कामावर परतण्याची वेळ आली आहे! आधी मन… मग शरीर… एका नव्या आणि आनंदी वर्षासाठी पुन्हा एकदा योग्य मार्गावर येत आहे,’ असे सैफने यात म्हटले आहे.
वैयक्तिक आयुष्याबाबत बोलायचे झाल्यास, सैफ अली खानला पहिली पत्नी अमृता सिंगपासून सारा आणि इब्राहिम अशी दोन मुले आहेत. तर दुसरी पत्नी करीना कपूरपासून तैमूर आणि जेह ही दोन मुले आहेत. अभिनय आणि कुटुंबाच्या व्यस्त वेळापत्रकातूनही तो स्वतःला फिट ठेवतो.
काही महिन्यांपूर्वी सैफच्या घरी त्याच्यावर एक जीवघेणा हल्ला झाला होता. या घटनेत त्याच्या पाठीत धारदार शस्त्राने वार करण्यात आल्याने तो गंभीर जखमी झाला होता. मात्र, अनेक वर्षांपासून जपत असलेल्या त्याच्या फिटनेसमुळेच तो या गंभीर दुखापतीतून लवकर सावरू शकला.
📌 महत्वाच्या बातम्या
- राष्ट्रवादीच्या विलिनीकरणाच्या चर्चेदरम्यान सुनील तटकरेंनी घेतली मुख्यमंत्री फडणवीसांची भेट
- तुळशी विवाह २०२६: २१ नोव्हेंबरला रंगणार सोहळा; जाणून घ्या शुभ मुहूर्त आणि पूजेची संपूर्ण विधी
- लोणी काळभोरमध्ये हॉटेल बिलावरून राडा; माजी सरपंचाची गुंडगिरी, ४ जणांवर गुन्हा दाखल
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
