मुंबई, 11 नोव्हेंबर: मुंबई पोलीस दलात एक धक्कादायक घटना उघडकीस आली असून, एका महिला कॉन्स्टेबलचा गेल्या तीन वर्षांपासून लैंगिक आणि मानसिक छळ केल्याप्रकरणी एका पोलीस हवालदारावर गुन्हा दाखल करण्यात आला आहे. आनंद नाईक असे या आरोपी हवालदाराचे नाव आहे. या घटनेमुळे पोलीस वर्तुळात मोठी खळबळ उडाली आहे.
ताडदेव पोलीस ठाण्यात याप्रकरणी पीडित महिला कर्मचाऱ्याने रीतसर तक्रार दिली आहे. या तक्रारीनुसार, आरोपी हवालदार नाईक हा गेल्या तीन वर्षांपासून विविध कारणांवरून या महिला पोलिसाला मानसिक त्रास देत होता. तसेच त्याने वारंवार शारीरिक सुखाची मागणी करून तिचा प्रचंड छळ केला. खाकी वर्दीतील सहकाऱ्याकडूनच होत असलेल्या या सततच्या त्रासाला कंटाळून अखेर पीडितेने धैर्याने पुढे येत पोलिसांत धाव घेतली.
या गंभीर तक्रारीची दखल घेत ताडदेव पोलिसांनी हवालदार आनंद नाईक याच्यावर भारतीय न्याय संहितेतील (BNS) विनयभंग, लैंगिक छळ आणि धमकावल्याच्या संबंधित कलमांखाली गुन्हा नोंदवला आहे. सध्या या प्रकरणाचा पुढील तपास पोलिसांकडून केला जात आहे. पोलीस दलातील कर्मचाऱ्यानेच असा प्रकार केल्याने महिला पोलिसांच्या सुरक्षेचा प्रश्न निर्माण झाला आहे.
📌 महत्वाच्या बातम्या
- सतेज पाटलांचे वडील स्कुटरवर फिरायचे, पण तुम्ही काय किर्लोस्करांचे नातू होतात का?; धंगेकरांचा चंद्रकांत पाटलांना टोला
- विलीनीकरणाच्या चर्चेत मोठी घडामोड! अजित पवार गटाचे २० आमदार शरद पवारांच्या भेटीला?
- रत्नागिरीत गिफ्ट दुकानाला भीषण आग; अग्निशमन दलाच्या बंबात पाणीच नसल्याने नागरिकांचा संताप
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
