प्रतिनिधी, 19 ऑक्टोबर: बॉलिवूड अभिनेता टायगर श्रॉफ (Tiger Shroff) याच्यावरील कथित गोळीबार प्रकरणात एक मोठी माहिती समोर आली आहे. या प्रकरणी राजस्थानच्या कोटामधून तीन आरोपींना अटक करण्यात आली आहे. गोळीबार करण्यासाठी या आरोपींना ५० हजार रुपये आगाऊ रक्कम देण्यात आल्याचा दावा पोलिसांच्या तपासात करण्यात आला आहे.
मुंबई पोलीस आणि राजस्थान पोलिसांच्या एजीटीएफ (AGTF) पथकाने संयुक्त कारवाई करत या आरोपींना पकडले. हे तिन्ही आरोपी कोटा येथील रेल्वे कॉलनी परिसरात लपून बसले होते. सीसीटीव्ही फुटेजच्या आधारे पोलिसांना त्यांचा ठावठिकाणा शोधण्यात यश आले.
याआधी आरोपींचे शेवटचे लोकेशन अंधेरी रेल्वे स्थानक परिसरात असल्याची माहिती मुंबई पोलिसांना मिळाली होती. ते रेल्वेने मुंबईबाहेर पळून गेल्याचे तपासात निष्पन्न झाले. त्यानंतर सीसीटीव्हीच्या माध्यमातून मिळालेले महत्त्वाचे धागेदोरे रेल्वे सुरक्षा दल (RPF), सरकारी रेल्वे पोलीस (GRP) आणि शेजारील राज्यांतील पोलिसांना देण्यात आले, या समन्वयामुळेच त्यांना कोटामध्ये पकडणे शक्य झाले.
अटक करण्यात आलेल्या तीन जणांपैकी एक जण अल्पवयीन असून तो हरियाणातील सोनीपतचा रहिवासी आहे. दुसरा आरोपी रेहान हा देखील सोनीपतचाच असल्याचे सांगितले जाते, तर तिसरा आरोपी ऋतिक कुमार ऊर्फ रोशन हा मूळचा बिहारमधील बेगुसराय येथील असल्याची माहिती समोर आली आहे. या हल्ल्यामागे कोणाचा हात आहे आणि त्यांना हे काम कोणी दिले, याचा तपास पोलीस करत आहेत.
याप्रकरणी मुख्यमंत्री देवेंद्र फडणवीस यांनी यापूर्वीच भाष्य केले होते. पोलिसांच्या हाती महत्त्वाचे धागेदोरे लागले असून हल्लेखोरांना आणि त्यांच्या साथीदारांना कायद्याच्या कक्षेत आणण्याचे प्रयत्न सुरू असल्याचे त्यांनी म्हटले होते. तसेच, आरोपी महाराष्ट्राबाहेरून किंवा कदाचित परदेशातून कारवाया करत असण्याची शक्यताही त्यांनी वर्तवली होती.
१८ ऑक्टोबर रोजी रविवारी संध्याकाळी मुंबईच्या जुहू परिसरातील पुष्पा पार्कजवळ तीन दुचाकीस्वारांनी टायगर श्रॉफवर गोळीबार केला होता. या घटनेतून अभिनेता बचावला, मात्र त्याचा कारचालक आणि जवळच असलेला एक ऑटोरिक्षा चालक जखमी झाल्याचे वृत्त आहे.
📌 महत्वाच्या बातम्या
- चिन्मय सुतारने रणजी करंडकात रचला इतिहास; भाऊसाहेब निंबाळकरांनंतर ४०० धावा करणारा ठरला दुसरा फलंदाज
- राष्ट्रवादीच्या आंदोलनात शिवसेना आमदार संजय गायकवाड! स्वतःच्याच सरकारला दिला घरचा आहेर
- गृहराज्यमंत्र्यांचा पीए असल्याचे सांगून ५ हजारांची फसवणूक; खेडमध्ये एकावर गुन्हा दाखल
Quick Answers
टायगर श्रॉफ गोळीबार प्रकरणातील तीन आरोपींना राजस्थानच्या कोटामधून अटक करण्यात आली आहे. मुंबई पोलीस आणि राजस्थान पोलिसांच्या एजीटीएफ पथकाने संयुक्त कारवाई करत त्यांना पकडले.
पोलिसांच्या तपासातील दाव्यानुसार, गोळीबार करण्यासाठी या आरोपींना ५० हजार रुपये आगाऊ रक्कम देण्यात आली होती.
अटक केलेल्या तीन आरोपींपैकी एक जण अल्पवयीन असून तो हरियाणातील सोनीपतचा रहिवासी आहे. दुसरा आरोपी रेहान हा देखील सोनीपतचा आहे, तर तिसरा आरोपी ऋतिक कुमार ऊर्फ रोशन हा मूळचा बिहारमधील बेगुसराय येथील आहे.
१८ ऑक्टोबर रोजी रविवारी संध्याकाळी मुंबईच्या जुहू परिसरातील पुष्पा पार्कजवळ तीन दुचाकीस्वारांनी टायगर श्रॉफवर गोळीबार केला होता.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
