प्रतिनिधी, 19 ऑक्टोबर: बॉलिवूड अभिनेता सैफ अली खान आणि करीना कपूर नुकतेच ‘द ग्रेट इंडियन कपिल शो’च्या पाचव्या पर्वामध्ये एकत्र दिसले. लग्नाचा १४ वा वाढदिवस साजरा केल्याच्या दुसऱ्याच दिवशी या जोडप्याने कपिल शर्माच्या शोमध्ये हजेरी लावली. यावेळी सैफने मुलांच्या शाळेतील एक मजेशीर किस्सा सांगितला.
१९९१ मध्ये वयाच्या २० व्या वर्षी सहअभिनेत्री अमृता सिंगसोबत सैफचे पहिले लग्न झाले होते. तेव्हापासून प्रत्येक दशकात आपल्याला एक मूल झाल्याचे त्याने सांगितले. “माझ्या आयुष्यातील वेगवेगळ्या टप्प्यांवर माझी चारही मुले शाळेत होती. पहिल्या पालक-शिक्षक सभेला (पीटीएम) मी २० वर्षांचा होतो, मग ३० आणि त्यानंतर ५५ व्या वर्षीही मी त्याच शाळेत गेलो. शिक्षक बदलले, पण मी तिथेच आहे,” असे सैफ हसत म्हणाला.
तसेच, धीरूभाई अंबानी इंटरनॅशनल स्कूलच्या अध्यक्षा नीता अंबानी यांनी शाळेच्या एका कार्यक्रमात मंचावरून सैफचा उल्लेख ‘माझा सर्वांत जुना विद्यार्थी’ असा केला होता, ही आठवणही त्याने शेअर केली.
सैफला प्रत्येक दशकात एक मूल झाल्याचे जेव्हा अर्चना पूरण सिंगने निदर्शनास आणून दिले, तेव्हा करीनाने त्याला गमतीने विचारले की, “आता तुझा काय प्लॅन आहे?” यावर सैफने मस्करीत खांदे उडवले. त्यानंतर “पण माझ्यासोबत नाही!” असे करीना म्हणताच सेटवर एकच हशा पिकला.
सैफ आणि अमृता यांना सारा अली खान आणि इब्राहिम अली खान ही दोन मुले असून २००४ मध्ये त्यांचा घटस्फोट झाला. पुढे २००९ मध्ये ‘टशन’ या अॅक्शन कॉमेडी चित्रपटाच्या सेटवर सैफ आणि करीना एकमेकांना डेट करू लागले आणि २०१२ मध्ये ते विवाहबद्ध झाले. त्यांना तैमूर आणि जहांगीर ही दोन मुले आहेत.
वेगवेगळ्या वयोगटांतील मुलांचा सांभाळ करणे ही मोठी जबाबदारी असून, सैफ आपल्या सर्व मुलांना वेळ देतो, असे म्हणत करीनाने यापूर्वी एका मुलाखतीत त्याच्या पालकत्वाचे कौतुक केले होते.
📌 महत्वाच्या बातम्या
- हॉटेलच्या लॉबीत मिळाली पहिली ऑफर, पदार्पणाआधीच ३ सिनेमे मिळवणारी ‘ही’ अभिनेत्री कोण?
- ‘कोणाचीही गय केली जाणार नाही’; राणा सूर्यवंशी यांच्यावरील हल्ल्याप्रकरणी सुनेत्रा पवार आक्रमक
- ‘काटकोन त्रिकोण’च्या प्रयोगादरम्यान डॉ. मोहन आगाशेंना रुग्णालयात करावं लागलं होतं दाखल; केतकी थत्तेने सांगितला ‘तो’ प्रसंग
Quick Answers
सैफ अली खान आणि करीना कपूर नुकतेच ‘द ग्रेट इंडियन कपिल शो’च्या पाचव्या पर्वामध्ये एकत्र दिसले.
नीता अंबानी यांनी शाळेच्या एका कार्यक्रमात मंचावरून सैफचा उल्लेख ‘माझा सर्वांत जुना विद्यार्थी’ असा केला होता.
सैफ अली खान आणि करीना कपूर २०१२ मध्ये विवाहबद्ध झाले.
सैफ आणि त्याची पहिली पत्नी अमृता सिंग यांना सारा अली खान आणि इब्राहिम अली खान ही मुले आहेत, तर करीना कपूरसोबत त्याला तैमूर आणि जहांगीर ही दोन मुले आहेत.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
