Devendra Fadnavis | आपल्या आरक्षणात कुणी वाटेकरी होईल, असा ओबीसीने गैरसमज करू नये – देवेंद्र फडणवीस

🕒 1 min read

Devendra Fadnavis | मुंबई: मराठा समाजाला आरक्षण मिळावं, यासाठी उपोषणकर्ते मनोज जरांगे (Manoj Jarange) यांचं आंदोलन सुरू आहे. त्यांच्या उपोषणाचा आज चौदावा दिवस आहे. अशात मराठा समाजाला ओबीसीतून आरक्षण देण्याची मागणी पुढे येत आहे.

याच पार्श्वभूमीवर उपमुख्यमंत्री देवेंद्र फडणवीस यांनी प्रतिक्रिया दिली आहे. आपल्या आरक्षणात कोणी वाटेकरी होईल, असा गैरसमज ओबीसींनी करू नये, असं देवेंद्र फडणवीस यांनी म्हटलं आहे.

OBC community should not misunderstand about reservation – Devendra Fadnavis

देवेंद्र फडणवीस (Devendra Fadnavis) म्हणाले, “आरक्षणाबाबत ओबीसी समाजाने कोणत्याही प्रकारचा गैरसमज करून घेऊ नये. मुख्यमंत्री एकनाथ शिंदे यांच्या नेतृत्वाखाली ओबीसी समाजावर कोणत्याही प्रकारचा अन्याय होणार नाही.

ओबीसींच्या मनात भीती आहे की आमचं आरक्षण काढून घेतलं जाणार किंवा त्यामध्ये कोणीतरी वाटेकरी होणार. परंतु, असं काही होणार नाही.

त्यामुळे यावर वक्तव्य करत असताना प्रत्येकाने काळजी घ्यायला हवी. दोन समाजामध्ये तेढ निर्माण होईल, असा कोणताच निर्णय राज्य शासन घेणार नाही. यासाठी आमचे प्रयत्न सुरू आहे.

दरम्यान, या मुद्द्यावर मुख्यमंत्री एकनाथ शिंदे (Eknath Shinde) यांनी देखील प्रतिक्रिया दिली आहे. ते म्हणाले, “मराठा समाजाला आरक्षण देत असताना ओबीसी किंवा इतर समाजाचं आरक्षण कमी न करता मराठ्यांना आरक्षण द्यायचं आहे आणि हीच आमची स्पष्ट भूमिका आहे.

मराठा समाजाला दिलं जाणाऱ्या आरक्षणामध्ये कोणत्याही प्रकारची बाधा येऊ नये, यासाठी आमचे प्रयत्न सुरू आहेत. याच पार्श्वभूमीवर आम्ही आज सर्वपक्षीय बैठक आयोजित केली आहे.

या बैठकीमध्ये मराठा समाजाच्या आरक्षणावर तोडगा काढण्यासाठी विरोधकांनी सहकार्याची भूमिका घ्यावी, असं मी त्यांना आवाहन करतो.”

महत्वाच्या बातम्या

• Eknath Shinde | मराठा समाजाने निर्णय घेण्यासाठी आम्हाला थोडा वेळ दिला पाहिजे – एकनाथ शिंदे
• Chandrashekhar Bawankule | ओबीसी आणि मराठा दोघांच्या हक्कांवर गदा येणार नाही – चंद्रशेखर बावनकुळे
• Maratha Reservation | मराठा आरक्षणावरून मनोज जरांगेंचं अजित पवारांना आवाहन; म्हणाले…
• Keshav Upadhye | काँग्रेस नेत्यांची कल्पनाशक्ती जिथे थांबते, तिथे मोदींची सुरू होते – केशव उपाध्ये
• Sanjay Raut | CM शिंदे जादूटोणा, तीर्थयात्रा यामध्ये अडकलेय – संजय राऊत

📈 लोकप्रिय बातम्या

‘…तर तुम्हाला जनतेसमोर उघडे पाडू!’ सर्वोच्च न्यायालय महाराष्ट्र सरकारवर भडकलं

पावसाची विश्रांती संपणार! राज्यात पुन्हा मुसळधार; हवामान खात्याचा मोठा इशारा

पार्थ पवार अडकणार विवाहबंधनात: ‘ती’ मिस्ट्री गर्ल कोण जिच्याशी पुण्यात होणार साखरपुडा?