Maratha Reservation | मराठा आरक्षणावरून मनोज जरांगेंचं अजित पवारांना आवाहन; म्हणाले…

🕒 1 min read

Maratha Reservation | टीम महाराष्ट्र देशा: जालना जिल्ह्यामध्ये मराठा आरक्षणासाठी मनोज जरांगे (Manoj Jarange) आंदोलन करत आहे. आज त्यांच्या आंदोलनाचा चौदावा दिवस आहे.

मनोज जरांगे यांनी उपोषण मागे घ्यावं, यासाठी राज्य शासन सातत्याने प्रयत्न करत आहे. मात्र, सरकारचे सर्व प्रयत्न असफल होताना दिसत आहे. याच पार्श्वभूमीवर उपमुख्यमंत्री अजित पवार (Ajit Pawar) यांनी एक वक्तव्य केलं होतं.

मनोज जरांगे यांना समजावण्यात सरकार कमी पडत असल्याचं अजित पवार यांनी म्हटलं होतं. अजित पवार यांच्या या वक्तव्यावर मनोज जरांगे यांनी प्रतिक्रिया दिली आहे.

Give reservation to Maratha community – Maratha Reservation

मनोज जरांगे म्हणाले, “आम्ही कमी पडलो, असं अजित पवार म्हणाले होते. त्यानंतर आता माझी त्यांना एक विनंती आहे की त्यांनी चार-पाच पक्षांना एकत्र घेऊन आरक्षणाचा विषय लावून धरला पाहिजे. त्याचबरोबर त्यांनी गोरगरिबांचं कल्याण करायला हवं.

मराठा समाजाला आरक्षण द्या, एवढीच आमची मागणी आहे. आमचा आक्रोश त्यांच्या लक्षात येतच असेल. त्यामुळे त्यांनी लवकरात लवकर आम्हाला आरक्षण घ्यावं. आमचा आक्रोश घेऊन सर्वपक्षीय बैठकीला जा.

मराठा समाजाला आरक्षण मिळालं तर आम्ही तुमच्यासमोर नतमस्तक होऊ. त्याचबरोबर आमची मागणी पूर्ण झाली तर आम्ही तुमच्या समोर नाक घासायला देखील मागे-पुढे पाहणार नाही. सर्वपक्षीय नेते गोळा करून अजित पवारांनी गोरगरिबांना न्याय मिळवून द्यावा.”

दरम्यान, मराठा आरक्षणाचा तिढा सोडवण्यासाठी मुख्यमंत्री एकनाथ शिंदे यांनी आज सर्वपक्षीय बैठक बोलावली आहे. सह्याद्री अतिथी गृह येथे आज संध्याकाळी 6.30 वाजता ही बैठक पार पडणार आहे.

या बैठकीला शरद पवार गटाचे राजेश टोपे उपस्थित राहणार आहे. तर ठाकरे गटाकडून विधानपरिषद विरोधी पक्षनेते अंबादास दानवे आणि खासदार विनायक राऊत उपस्थित राहणार असल्याची माहिती मिळाली आहे. या बैठकीनंतर मराठा आरक्षणाचा प्रश्न सुटणार का? याकडं आता संपूर्ण राज्याचं लक्ष लागलं आहे.

महत्वाच्या बातम्या

• Keshav Upadhye | काँग्रेस नेत्यांची कल्पनाशक्ती जिथे थांबते, तिथे मोदींची सुरू होते – केशव उपाध्ये
• Sanjay Raut | CM शिंदे जादूटोणा, तीर्थयात्रा यामध्ये अडकलेय – संजय राऊत
• Eknath Shinde | ठाकरे आणि शिंदेंचे आमदार चिंतेत; ‘या’ दिवशी होणार आमदारांची प्रत्यक्ष सुनावणी
• Maratha Reservation | मराठा आरक्षणाचा तिढा सुटणार? CM शिंदेंनी आज बोलावली सर्वपक्षीय बैठक
• Uddhav Thackeray | मोदींच्या लुच्चेगिरीची 9 वर्ष देशाच्या नाकीनऊ आणणारी ठरली; ठाकरे गटाचा मोदींवर हल्लाबोल

📈 लोकप्रिय बातम्या

राज्य निवडणूक आयोगाचा मोठा निर्णय; राज्यातील १५,६३६ ग्रामपंचायतींमध्ये राजकीय भूकंप होणार?

उदय सामंत यांच्या पत्नीची मोठी माघार; निवडणुकीत अचानक ‘हा’ मोठा ट्विस्ट!

अंकिता लोखंडेने शेअर केले मशिदीतले फोटो, गोसेवा केल्यानंतर थेट हिजाब घातल्याने नेटकरी संतापले!