प्रतिनिधी, 14 नोव्हेंबर: राष्ट्रवादी काँग्रेसच्या विलीनीकरणाच्या चर्चेवर खासदार सुप्रिया सुळे यांनी पडदा टाकला असल्याचे संजय राऊत यांनी म्हटले आहे. अजित पवार ज्या दिवसापासून साथ सोडून गेले, तेव्हापासूनच विलीनीकरणाच्या चर्चा थांबल्याचे सुळे यांनी स्पष्ट केले होते. सुप्रिया सुळे यांनी जे म्हटले आहे ते सत्य असून आता विलीनीकरणाचा विषय पूर्णपणे संपलेला आहे, यावर राऊत यांनी भर दिला.
अजित पवार हे महायुतीतून बाहेर पडण्याच्या मानसिक स्थितीत होते, असा दावा संजय राऊत यांनी केला. त्यांना महायुतीमध्ये स्वाभिमानाने राहता येत नव्हते आणि भाजपने धोका दिला असे त्यांना वाटत होते. ईडी आणि तपास यंत्रणांच्या भीतीपोटीच अजित पवार आणि त्यांच्यासोबतचे काही नेते भाजपसोबत गेल्याचे राऊत म्हणाले.
तपास यंत्रणांच्या कारवाईमुळे अनेकजण अस्वस्थ होते, असे सांगताना राऊत यांनी हसन मुश्रीफ यांचे उदाहरण दिले. सध्या विलीनीकरणाचा हा खेळ स्थगित झाला असून, हे नाट्य आता संपले असल्याचे संजय राऊत यांनी स्पष्ट केले.
📌 महत्वाच्या बातम्या
- देवेंद्र फडणवीसांनी आदेश दिल्यास सतेज पाटलांना कोल्हापुरातून हरवणार; चंद्रकांत पाटलांनी स्वीकारले आव्हान
- ‘त्याने मैदानात बाटलीचं झाकण काढलं होतं’, पॅट कमिन्सकडून चेंडूशी छेडछाड पाहिल्याची कबुली
- १६ तारखेला राजकीय बॉम्ब फुटणार? अजितदादांच्या अपघातामागील लोकांना वाचवणारा मफलरवाला नेता कोण? पोस्टरने उडाली खळबळ
