कॉकरोच पार्टीच्या आंदोलनाने दिल्ली पोलीस अलर्ट मोडवर; परवानगीविना जंतर मंतरवर काय घडणार?

🕒 1 min read

दिल्ली – नीट (NEET) परीक्षेच्या गोंधळानंतर विद्यार्थ्यांचा संताप आता थेट राजधानीच्या रस्त्यांवर उतरणार का? शिक्षणमंत्री धर्मेंद्र प्रधान यांच्या राजीनाम्यासाठी ६ जूनला दिल्लीत धडकणाऱ्या कॉकरोच जनता पार्टीच्या (CJP) आंदोलनाने सध्या प्रशासनाची झोप उडवली आहे.

सूत्रांनी दिलेल्या माहितीनुसार, जंतर मंतरवर होणाऱ्या या आंदोलनासाठी सीजेपीने अद्याप पोलिसांची कोणतीही अधिकृत परवानगी घेतलेली नाही. मात्र, तरुणाईमधील वाढता रोष पाहता दिल्ली पोलीस पूर्णपणे अलर्ट मोडवर आहेत. विमानतळापासून नवी दिल्लीकडे जाणाऱ्या सर्व मार्गांवर कडक बंदोबस्त ठेवण्यात आला असून, परवानगीशिवाय आंदोलन करण्याचा प्रयत्न केल्यास थेट ताब्यात घेण्याची तयारी पोलिसांनी केली आहे.

कॉकरोच पार्टीचे आंदोलन: हजार जवान तैनात, विद्यार्थ्यांच्या आक्रोशाला धार

उद्या सकाळपासूनच दिल्लीत सुमारे एक हजार पोलीस आणि निमलष्करी दलाचे जवान सुरक्षेसाठी तैनात असतील. याआधी सीजेपीचे संस्थापक अभिजीत दीपके यांनी १ जूनला एक व्हिडिओ जारी करत समर्थकांना थेट विमानतळावरच जमण्याचे आवाहन केले होते. तिथून पार्लमेंट स्ट्रीट पोलीस ठाण्यात जाऊन आपण आंदोलनाची परवानगी मागू, असे ते म्हणाले होते.

मात्र, ४ जूनला त्यांनी आपली भूमिका बदलली. विमानतळावर गर्दी केल्यास प्रवाशांची आणि सुरक्षा यंत्रणांची मोठी गैरसोय होईल. त्यामुळे समर्थकांनी विमानतळावर न येता थेट जंतर मंतरकडेच यावे, असे आवाहन दीपके यांनी ‘एक्स’वरून (X) केले.

दुसरीकडे, नीट परीक्षा रद्द झाल्यामुळे पाच विद्यार्थ्यांनी मृत्यूला कवटाळल्याचा अत्यंत गंभीर मुद्दा दीपके यांनी मांडला आहे. सीबीएसई (CBSE), सीयूईटी (CUET) आणि एसएससी (SSC) परीक्षांमधील भोंगळ कारभारामुळे लाखो विद्यार्थ्यांचे नुकसान झाले आहे. देशभरात एवढी संतापाची लाट उसळली असतानाही शिक्षणमंत्री राजीनामा का देत नाहीत, असा थेट सवाल त्यांनी उपस्थित केला आहे.

त्यामुळेच, सीजेपीचे (Cockroach Party) मुख्य प्रवक्ते सौरव दास यांनी स्पष्ट केले की, शिक्षणमंत्र्यांच्या राजीनाम्यासाठी सुरू केलेल्या ऑनलाइन याचिकेला आतापर्यंत आठ लाखांहून अधिक जणांनी पाठिंबा दिला आहे. विद्यार्थ्यांचा हा असंतोष पाहता, आता या आंदोलनाला दिल्लीत किती प्रतिसाद मिळतो आणि पोलीस नेमकी काय कारवाई करतात, याकडे सर्वांच्या नजरा लागल्या आहेत.

📌 महत्वाच्या बातम्या

• ‘तुझं आजारपण प्रसिद्धीसाठी वापर, माझ्यावर भुंकू नकोस’; शिल्पा शिंदेचा हिना खानवर संताप
• स्वयंपाकघरात शेजाऱ्याचा मृतदेह अन्..; ओटीटीवर माधुरी दीक्षितच्या ‘त्या’ नव्या सिनेमाने उडवली खळबळ!
• कंगनाची ‘ती’ पोस्ट शेअर केली अन् गिरीजा ओकचे हजारो फॉलोअर्स घटले; अभिनेत्रीने स्वतःच केला खुलासा

📈 लोकप्रिय बातम्या

मनोज जरांगे पाटलांची ‘ती’ सर्वात मोठी मागणी अखेर मान्य, राज्य सरकारने घेतला मोठा निर्णय

मविआची यादी आली, पण एकाच जागेवर शरद पवार गटाचे दोन अर्ज आल्याने सस्पेन्स वाढला!

देवेंद्र फडणवीस यांचा मोठा निर्णय; ५६ लाख शेतकऱ्यांची कर्जमाफी मंजूर, पण एक मोठी अट!