सांगली, 17 ऑक्टोबर: सांगली जिल्हा मध्यवर्ती सहकारी (डीसीसी) बँकेच्या निवडणुकीत आमदार गोपीचंद पडळकर यांचा उमेदवारी अर्ज सर्वोच्च न्यायालयाने वैध ठरवला आहे. या निर्णयानंतर सांगलीचे पालकमंत्री तथा उच्च व तंत्रशिक्षण मंत्री चंद्रकांत पाटील यांनी पडळकरांना दोन चॉकलेट (कॅडबरी) देऊन त्यांचे अभिनंदन केले. यावेळी पाटील यांनी मिश्किल टिप्पणी करताना म्हटले की, पडळकरांच्या स्थितीला अमेरिकेचे राष्ट्राध्यक्ष डोनाल्ड ट्रम्पही घाबरतात. तसेच, आता बोलायचे कमी आणि काम जास्त करून दाखवायचे, असा सल्लाही त्यांनी दिला.
यापूर्वी, मुंबई उच्च न्यायालयाच्या कोल्हापूर खंडपीठाने जत सोसायटी गटातील पडळकर यांचा उमेदवारी अर्ज बाद करण्याचा निर्णय कायम ठेवला होता. यामुळे ते जिल्हा बँकेच्या निवडणुकीतून बाहेर गेल्याची चर्चा राजकीय वर्तुळात रंगली होती. मात्र, या निर्णयाचा आदर राखत आपल्या कायदेशीर टीमने तातडीने सर्वोच्च न्यायालयात दाद मागितल्याचे पडळकर यांनी स्पष्ट केले होते. अखेर सुप्रीम कोर्टाने त्यांना दिलासा दिल्याने ते पुन्हा एकदा बँकेच्या निवडणुकीच्या रिंगणात उतरले आहेत.
पडळकर पुन्हा निवडणुकीत आल्याच्या पार्श्वभूमीवर चंद्रकांत पाटील यांनी त्यांचा सत्कार करताना त्यांची तुलना कसलेल्या पैलवानाशी केली. 'जसा एखादा कसलेला पैलवान आठ-दहा जणांना लोळवतो, तसे ते आहेत. ते बँकेत आल्यावर काय होईल आणि कसे होईल, याची सगळी व्यूहरचना झाली आहे,' असे पाटील म्हणाले. तसेच, मुख्यमंत्र्यांनीही पडळकरांना 'तू बोल कमी आणि काम जास्त कर' असे सांगितल्याचे नमूद करत, अंगात उत्साह हवा पण उन्माद नको, अशा शब्दांत त्यांनी कानपिचक्या दिल्या.
दरम्यान, पडळकरांच्या उमेदवारी अर्जावर याचिकाकर्त्यांनी काही गंभीर आक्षेप घेतले होते. जिल्हा बँकेच्या उपविधीनुसार संबंधित संस्थेत किमान दोन वर्षांचे सभासदत्व आणि व्यवस्थापन समितीत एक वर्ष कामाचा अनुभव असणे आवश्यक असते. पडळकर यांनी २० फेब्रुवारी २०२६ रोजी कुणीकोणूर येथे जमीन खरेदी केली, मग त्यापूर्वीच त्यांना कुणीकोणूर सर्वसेवा सहकारी सोसायटीचे सभासदत्व कसे मिळाले, असा सवाल उपस्थित करण्यात आला होता. यासोबतच, निंबवडे ग्रामीण बिगरशेती पतसंस्थेचे कार्यक्षेत्र केवळ गावापुरते मर्यादित असल्याने तेथील संचालकपद आणि सभासदत्व निवडणुकीच्या पात्रतेसाठी ग्राह्य धरता येईल का, हा मुद्दाही याचिकेत मांडण्यात आला होता.
📌 महत्वाच्या बातम्या
- भाजपच्या मेळाव्यात शिवसेना तर शिवसेनेच्या मेळाव्यात भाजप आमदाराची पाठ, राजकारण तापलं
- शरद पवारांच्या भेटीनंतर निलेश लंके आणि राम शिंदेंची गुप्त चर्चा; अहिल्यानगर जिल्हा बँकेत मोठा ट्विस्ट येणार?
- लोहगड केतन अग्रवाल हत्याप्रकरण: विशेष सरकारी वकील म्हणून उज्ज्वल निकम यांची नियुक्ती
Quick Answers
सांगली जिल्हा मध्यवर्ती सहकारी बँकेच्या निवडणुकीत आमदार गोपीचंद पडळकर यांचा उमेदवारी अर्ज सर्वोच्च न्यायालयाने वैध ठरवला आहे.
चंद्रकांत पाटील यांनी पडळकरांना दोन चॉकलेट देऊन त्यांचे अभिनंदन केले आणि आता बोलायचे कमी व काम जास्त करून दाखवायचे, असा सल्ला दिला.
मुंबई उच्च न्यायालयाच्या कोल्हापूर खंडपीठाने जत सोसायटी गटातील पडळकर यांचा उमेदवारी अर्ज बाद करण्याचा निर्णय कायम ठेवला होता.
जिल्हा बँकेच्या नियमांनुसार आवश्यक सभासदत्व आणि अनुभव तसेच २० फेब्रुवारी २०२६ रोजी जमीन खरेदी करण्यापूर्वीच कुणीकोणूर सर्वसेवा सहकारी सोसायटीचे सभासदत्व कसे मिळाले, असा सवाल याचिकाकर्त्यांनी उपस्थित केला होता.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
