एखाद्या नदीला पूर आला की त्यात झाडं, जनावरं किंवा गाड्या वाहून गेल्याचं तुम्ही अनेकदा पाहिलं असेल. पण थेट हजारो गॅस सिलिंडरच (HPCL Gas Cylinder) पुराच्या पाण्यात वेगाने वाहून गेल्याचं कधी ऐकलंय का?
सध्या रायगड (Raigad Flood) जिल्ह्यात मुसळधार पावसाने अक्षरशः कहर केला असून पाताळगंगा नदीला मोठा पूर आला आहे. याच पुराच्या पाण्यात एमआयडीसी आणि चावणे परिसरातील गोदामातून तब्बल ३ हजार गॅस सिलिंडर पाण्याच्या प्रवाहात वाहून गेल्याची धक्कादायक घटना समोर आली आहे.
Raigad Flood Updates
सूत्रांनी दिलेल्या माहितीनुसार, या वाहून गेलेल्या सिलिंडरमध्ये भरलेले आणि रिकामे अशा दोन्ही प्रकारच्या सिलिंडरचा समावेश आहे. पुराच्या पाण्याच्या वेगामुळे हे हजारो सिलिंडर आजूबाजूच्या अनेक भागांमध्ये आणि गावांमध्ये वाहून गेल्याची भीती व्यक्त केली जात आहे.
या घटनेनंतर प्रशासनाने नागरिकांना तातडीने सतर्कतेचा इशारा दिला आहे. कोणालाही हे सिलिंडर सापडल्यास त्यांनी ते स्वतः वापरण्याचा किंवा हाताळण्याचा अजिबात प्रयत्न करू नये, असं आवाहन प्रशासनाकडून करण्यात आलंय.
नागरिकांनी सापडलेले सिलिंडर त्वरित HPCL प्रशासनाकडे जमा करण्याच्या सूचना देण्यात आल्या आहेत. याबाबत अधिक माहिती हाती आल्यावर बातमी अपडेट केली जाईल.
📌 महत्वाच्या बातम्या
- रुपाली चाकणकरांच्या २५ कोटींच्या दाव्यावर दीपाली सय्यद यांचं सडेतोड उत्तर; म्हणाल्या, ‘सिनेमा तर…’
- ‘माझ्या नवऱ्याने ५० अफेअर करू दे, तुझ्या बापाचं काय?’; ‘अंगुरी भाभी’वर भडकल्या गोविंदाच्या पत्नी, शोमध्ये मोठा राडा
- पंढरपूर वारीपूर्वी वारकऱ्यांना मोठी भेट! मुख्यमंत्री वारकरी महामंडळ स्थापनेचा शासन आदेश जारी
