🕒 1 min read
छत्रपती संभाजीनगर- राजकारणात मित्र कोण आणि शत्रू कोण, हे आता कळायला मार्ग उरला नाहीये. छत्रपती संभाजीनगरमध्ये ( Sambhajinagar Election ) भाजप आणि शिंदे सेनेची युती कागदावर असली तरी आतून मात्र जोरदार ‘काटाकाटी’ सुरू आहे. भाजपने आपल्या आदेशाला केराची टोपली दाखवणाऱ्या तब्बल २२ बंडखोर पदाधिकारांची थेट हकालपट्टी केली आहे. धक्कादायक म्हणजे, यातील ११ जणांनी चक्क मित्रपक्ष असलेल्या शिंदे सेनेचा झेंडा हाती घेत उमेदवारी मिळवली आहे. त्यामुळे ही युती आहे की कुस्ती, असा प्रश्न पडलाय.
९७ माजी नगरसेवक पुन्हा मैदानात
एकीकडे बंडखोरीचं वारं वाहत असताना, दुसरीकडे जुन्याच चेहऱ्यांनी पुन्हा एकदा शड्डू ठोकले आहेत. या निवडणुकीत तब्बल ९७ माजी नगरसेवक पुन्हा नशीब आजमावत आहेत. यात भाजपकडून सर्वाधिक ३७, शिंदे गटाकडून १९ तर उद्धव सेनेकडून १८ माजी नगरसेवक रिंगणात आहेत. काही ठिकाणी स्वतःला तिकीट नाही म्हणून नातेवाईकांना उभं करून ‘घराणेशाही’ जपली जात आहे.
दिग्गजांच्या सभांचा धुराळा आता उडणार…
हे राजकीय वातावरण तापवण्यासाठी राज्याचे मुख्यमंत्री देवेंद्र फडणवीस गुरुवारी (८ जाने.) शहरात ‘टॉक शो’च्या माध्यमातून तज्ज्ञांशी संवाद साधणार आहेत. तर शनिवारी (१० जाने.) उद्धव ठाकरे यांची तोफ मराठवाडा सांस्कृतिक मंडळाच्या मैदानावर धडाडणार आहे. इतकेच नाही तर एमआयएमचे असदुद्दीन ओवेसी (७ जाने.) आणि वंचितचे सुजात आंबेडकर (८ जाने.) यांच्याही सभांनी शहरात राजकीय पारा चढणार आहे. त्यामुळे पुढचे काही दिवस संभाजीनगरचं राजकारण चांगलंच तापणार, हे नक्की!
📌 महत्वाच्या बातम्या
- बँका सलग ३ दिवस बंद? ग्राहकांनो ‘अलर्ट’ राहा; ‘या’ तारखेपूर्वीच उरकून घ्या महत्त्वाची कामं!
- “आता अधिकारी होणारच!”; MPSCचा लाखो विद्यार्थ्यांना मोठा दिलासा, ‘या’ तारखेपर्यंत करा अर्ज!
- वेगवेगळ्या शोकसभा अन् ‘ते’ तर्क-वितर्क; धर्मेंद्र यांच्या निधनानंतर देओल कुटुंबात दुफळी? हेमा मालिनींनी सोडलं मौन!
- “भाजपने २० वर्षांच्या निष्ठेची ‘ती’ परतफेड केली…”; डोंबिवलीच्या इन्फ्लुएन्सरचा संताप, अखेर राज ठाकरेंनी दिला आधार!
बातम्यांसाठी YouTube चॅनेल Subscribe करा
Subscribe Now
