🕒 1 min read
Pragya Singh Thakur | भोपाळ : भाजपच्या नेत्या आणि भोपाळच्या खासदार प्रज्ञा सिंग ठाकूर (Pragya Singh Thakur) यांनी काँग्रेसचे नेते राहुल गांधी (Rahul Gandhi) यांच्याबाबत वादग्रस्त वक्तव्य केले आहे. त्यामुळे आता राजकीय वर्तुळात अनेक चर्चांना उधाण आलं आहे. साध्वी प्रज्ञासिंह यांनी शनिवारी भोपाळ-दाहोद ट्रेनला हिरवा झेंडा दाखवला. यावेळी त्यांनी राहुल गांधी यांच्या देशभक्तीवरच सवाल केला आहे.
Pragya Singh Thakur Controversial statement about Rahul Gandhi
“विदेशी महिलेच्या पोटी जन्माला आलेला मुलगा देशभक्त होऊच शकत नाही. हे राहुल गांधी यांनीही ठरवलं आहे. आम्हाला संसदेत बोलू दिलं जात नाही असं ते परदेशात जाऊन सांगतात. यापेक्षा लज्जास्पद काय असेल? मी राहुल गांधी यांचा निषेध करते. त्यांना देशाच्या बाहेर हाकलून दिलं पाहिजे”, असं वादग्रस्त वक्तव्य साध्वी प्रज्ञासिंह यांनी केलं आहे.
“तुमची आई इटलीची, तुम्ही कधीच देशभक्त होऊ शकत नाही”
“तुम्ही भारताचे नाहीत हे आम्ही मान्य केलं आहे. कारण तुमची आई इटलीची आहे. परदेशी महिलेच्या पोटी जन्माला आलेला मुलगा कधीच देशभक्त होऊ शकत नाही. हे आम्ही सांगत नाही. तर चाणक्यानेच तसं लिहून ठेवलं आहे. चाणक्यांनी जे म्हटलंय तसंच राहुल गांधी वागत आहेत. इतके वर्ष तुमचं देशात सरकार होतं. तुम्ही देशाला पार पोखरून टाकलं होतं”, अशी टीकाही प्रज्ञा सिंह ठाकूर यांनी केली आहे.
“परदेशात जाऊन देश, देशातील जनतेचा अपमान करताय?”
ठसंसदेत चांगलं काम सुरू आहे. सर्व काही चांगलं होत आहे. मात्र काँग्रेसचे लोक संसद चालू देत नाहीये. त्यांचं अस्तित्व नष्ट होण्याच्या मार्गावर आलं आहे, त्यामुळे त्यांची बुद्धी भ्रष्ट होत चालली आहे. राहुल गांधी देशाचे नेते आहेत. तुम्हाला लोकांना निवडून दिलं आहे. तरीही तुम्ही परदेशात जाऊन देश आणि देशातील जनतेचा अपमान करत आहात?”, असा सवालही यावेळी प्रज्ञासिंह यांनी केला आहे.
महत्त्वाच्या बातम्या-
- Sheetal Mhatre | “..मग चारित्र्यहनन करणं हेच उद्ध्वस्त गटाचे संस्कार?”; ‘त्या’ व्हिडीओबाबत शीतल म्हात्रेंची पोलिसांत तक्रार
- Kirit Somaiya | “तोतऱ्याने तुमच्या बायकोचे बंगले कुठे गायब केले?”; किरीट सोमय्यांची उद्धव ठाकरेंवर बोचरी टीका
- Nana Patole | “भाजपमध्ये काय सगळे दुधाने धुतलेले लोक आहेत का?”; नाना पटोलेंचा संतप्त सवाल
- Sadanand Kadam | रामदास कदमांचे बंधू सदानंद कदम यांना ईडीकडून अटक
- Supriya Sule | मुश्रीफांवर ईडीची कारवाई; सुप्रिया सुळे आक्रमक, म्हणाल्या, “त्यांना जागतिक उच्चांक मोडायचा असेल”
बातम्यांसाठी YouTube चॅनेल Subscribe करा
Subscribe Now
