प्रतिनिधी, 16 ऑक्टोबर: शिवसेना (उद्धव बाळासाहेब ठाकरे) गटाला आणि विशेषतः आदित्य ठाकरे यांना मोठा धक्का बसला आहे. पक्षाचे राष्ट्रीय प्रवक्ते आणि आदित्य ठाकरेंचे निकटवर्तीय मानले जाणारे आनंद दुबे यांनी पक्षाच्या प्राथमिक सदस्यत्वाचा आणि प्रवक्तेपदाचा राजीनामा दिला आहे.
राजीनाम्यामागील कारण स्पष्ट करताना दुबे यांनी हिंदुत्व आणि सनातन धर्माच्या मुद्द्यावरून पक्षाशी वैचारिक मतभेद असल्याचे म्हटले आहे. ठाकरे गटाची सध्याची विचारधारा आणि सार्वजनिक विधानांशी ताळमेळ राखणे कठीण होत चालल्याने आपण हा निर्णय घेतल्याचे त्यांनी स्पष्ट केले.
ठाकरे गटाची साथ सोडल्यानंतर आनंद दुबे आता एकनाथ शिंदे यांच्या शिवसेनेत प्रवेश करणार आहेत. आज दुपारी १ वाजता ठाणे येथे त्यांचा पक्षप्रवेश होणार असून, यावेळी स्वतः एकनाथ शिंदे आणि राहुल कनाल उपस्थित राहणार आहेत.
गेल्या चार-पाच वर्षांपासून आनंद दुबे हे ठाकरे गटाची राष्ट्रीय पातळीवर आणि विविध व्यासपीठांवर भक्कमपणे बाजू मांडत होते. राष्ट्रीय तसेच आंतरराष्ट्रीय प्रश्नांवरही ते पक्षाची भूमिका स्पष्ट करत. मुंबईच्या राजकारणातील पक्षाचा प्रमुख हिंदी भाषिक चेहरा म्हणून त्यांची ओळख होती, ज्यामुळे महाराष्ट्राबाहेरील प्रेक्षकांमध्येही ते परिचित होते.
📌 महत्वाच्या बातम्या
- हार्दिक पांड्याची जागा घेण्यासाठी नितीश कुमार रेड्डीला काय करावे लागेल? आर. श्रीधर आणि भरत अरुण यांनी दिला कानमंत्र
- ‘तुळजाभवानी संस्थान राणा पाटलांची जहागिरी आहे का?’; मटका माफियाच्या दर्शनावरून दानवेंना राणाजगजितसिंहांचे प्रत्युत्तर
- ‘रीलच्या नादात ठोकले जाल’, विमानतळावर वैभव सूर्यवंशीचा पापाराझींना इशारा; व्हिडिओ व्हायरल
Quick Answers
आनंद दुबे यांनी शिवसेना (उद्धव बाळासाहेब ठाकरे) पक्षाच्या प्राथमिक सदस्यत्वाचा आणि राष्ट्रीय प्रवक्तेपदाचा राजीनामा दिला आहे.
हिंदुत्व आणि सनातन धर्माच्या मुद्द्यावरून पक्षाशी वैचारिक मतभेद असल्याचे दुबे यांनी म्हटले आहे. तसेच ठाकरे गटाची सध्याची विचारधारा आणि सार्वजनिक विधानांशी ताळमेळ राखणे कठीण होत चालल्याने हा निर्णय घेतल्याचे त्यांनी स्पष्ट केले.
आनंद दुबे एकनाथ शिंदे यांच्या शिवसेनेत प्रवेश करणार आहेत. हा पक्षप्रवेश दुपारी १ वाजता ठाणे येथे होणार असून यावेळी एकनाथ शिंदे आणि राहुल कनाल उपस्थित राहणार आहेत.
मुंबईच्या राजकारणातील पक्षाचा प्रमुख हिंदी भाषिक चेहरा म्हणून त्यांची ओळख होती, ज्यामुळे ते महाराष्ट्राबाहेरील प्रेक्षकांमध्येही परिचित होते.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
