राज्यात कोसळणाऱ्या पावसाने आता नाशिकला (Nashik Rain) अक्षरशः झोडपून काढायला सुरुवात केली आहे. पण तुम्हाला ठाऊक आहे का, की उद्या ७ जुलैला नाशिकमध्ये नेमकी काय परिस्थिती असणार आहे? हवामान विभागाने दिलेला नवा इशारा पाहता जिल्हा प्रशासनाने तातडीने काही कडक पावले उचलली आहेत.
मुंबई-नाशिक महामार्गालगतचा सर्व्हिस रोड आधीच पाण्याखाली गेला असून के. पी. कॉलेज परिसराला पाण्याचा वेढा पडलाय. यामुळेच शहरात भीतीचे वातावरण निर्माण झाले आहे. परिस्थितीचे गांभीर्य ओळखून जिल्हाधिकाऱ्यांनी तातडीने पत्रकार परिषद घेतली आणि नागरिकांसाठी काही महत्त्वाच्या घोषणा केल्या.
Nashik Rain Alert
इगतपुरी, त्र्यंबकेश्वर, पेठ, दिंडोरी आणि नाशिक ग्रामीण या पाच तालुक्यांमध्ये ढगफुटीसदृश पावसाची शक्यता वर्तवण्यात आली आहे. सुरक्षेचा उपाय म्हणून या भागातील सर्व शाळा आणि महाविद्यालयांना उद्या अधिकृत सुट्टी जाहीर करण्यात आली आहे. इतकंच नाही तर गर्दी टाळण्यासाठी इथले आठवडे बाजारही बंद ठेवण्याचा निर्णय प्रशासनाने घेतलाय.
नाशिकमधील प्रसिद्ध धार्मिक स्थळांनाही या पावसाचा मोठा फटका बसला आहे. संभाव्य पूरस्थिती आणि भाविकांची सुरक्षितता लक्षात घेऊन उद्या त्र्यंबकेश्वर देवस्थान (Trimbakeshwar Closed) आणि सप्तशृंगी मंदिर दर्शनासाठी पूर्णपणे बंद ठेवण्यात येणार आहे. प्रशासनाने स्थानिक शेतकऱ्यांनाही एक महत्त्वाचा सल्ला दिला असून, अतिशय गरजेचं काम नसेल तर शेतात जाणं टाळावं असं स्पष्ट केलं आहे.
दुसरीकडे, राज्याचे मुख्यमंत्री देवेंद्र फडणवीस यांनी स्वतः नाशिकमधील या आपत्कालीन परिस्थितीचा आढावा घेतला. त्यांनी स्थानिक प्रशासनाला सर्व यंत्रणा सज्ज ठेवण्याचे आदेश दिले आहेत. शहरात ठिकठिकाणी पाण्याचा निचरा वेगाने व्हावा यासाठी जेसीबी आणि पोकलेन मशीन तैनात करण्यात आल्या आहेत.
परिस्थिती हाताबाहेर गेल्यास लष्कराला पाचारण करण्याची तयारीही सरकारने ठेवली असून यंत्रणा हायअलर्टवर आहे. नदी-नाल्यांच्या काठावर राहणाऱ्या नागरिकांनी सुरक्षित स्थळी आश्रय घ्यावा आणि विनाकारण घराबाहेर पडू नये, असे आवाहन करण्यात आले आहे.
📌 महत्वाच्या बातम्या
- अतुल कुलकर्णींचा संताप अनावर, ‘बिनशर्त पाठिंब्या’वरून विचारला अस्वस्थ करणारा सवाल
- ‘लाज नाही वाटत?’ लोक मरतायत, अन् तुम्ही आमदार-खासदार फोडताय; अमित ठाकरेंचा सरकारवर घणाघात
- आमिर खानशी लग्न करताच गौरी स्प्रॅटने खरंच धर्म बदलला? लग्नानंतर चर्चांना उधाण
बातम्यांसाठी YouTube चॅनेल Subscribe करा
Subscribe Now
