अमीर खान वयाच्या ६१ व्या वर्षी करणार तिसरं लग्न? गौरी स्प्रॅटसोबतच्या लग्नाची तारीख अखेर समोर!

🕒 1 min read

बॉलीवूडचा ‘मिस्टर परफेक्शनिस्ट’ अमीर खान (Amir Khan) पुन्हा एकदा बोहल्यावर चढणार असल्याच्या बातमीने सध्या सोशल मीडियावर खळबळ उडवून दिली आहे. दोन अयशस्वी लग्नांनंतर अमीर खरोखरच वयाच्या साठीत तिसरा संसार थाटणार का, या प्रश्नाने चाहत्यांची उत्सुकता शिगेला पोहोचवली आहे.

गेल्या वर्षभरापासून अमीर खान आणि त्याची प्रेयसी गौरी स्प्रॅट (Gauri Sprat) यांच्या नात्याची बी-टाऊनमध्ये जोरदार चर्चा रंगली आहे. अशातच हॉटरफ्लायरने बुधवारी केलेल्या एका इन्स्टाग्राम पोस्टमुळे या दोघांच्या लग्नाच्या चर्चांना उधाण आलं असून, थेट तारीख आणि मुहूर्ताची धक्कादायक माहिती समोर आली आहे.

Amir Khan Third Marriage Date Confirm

सूत्रांनी दिलेल्या माहितीनुसार, अमीर आणि गौरी येत्या ५ जुलै रोजी एका अत्यंत खाजगी समारंभात विवाहबंधनात अडकणार आहेत. हा विवाहसोहळा कोणत्याही मोठ्या थाटामाटाशिवाय त्यांच्या राहत्या घरीच नोंदणी (रजिस्टर्ड) पद्धतीने पार पडणार असून, फक्त जवळचे मित्र आणि कुटुंबातील सदस्य या सोहळ्याला उपस्थित राहणार असल्याचं समजतंय.

दुसरीकडे, या लग्नाबाबत अमीर किंवा गौरी यांच्याकडून अजून कोणतीही अधिकृत पुष्टी करण्यात आलेली नाही. मात्र, काही महिन्यांपूर्वी ‘इंडियन एक्सप्रेस’ला दिलेल्या एका मुलाखतीत अमीरने गौरीसोबतच्या गंभीर नात्याचा मोठा गौप्यस्फोट केला होता.

“आम्ही एकमेकांसोबत खूप सिरियस असून एका कमिटेड स्पेसमध्ये आहोत. मी गौरीला मनात कधीच पत्नी मानलंय, आता फक्त या नात्याला कायदेशीर रूप देण्याचा निर्णय आम्ही वेळेनुसार घेऊ,” असं तो म्हणाला होता.

अमीर खानने यापूर्वी रीना दत्ताशी पहिलं लग्न केलं होतं, जे घटस्फोटाने संपलं. त्यानंतर त्याने किरण रावसोबत संसार थाटला, पण त्या दोघांनीही परस्पर संमतीने वेगळं होण्याचा निर्णय घेतला.

किरणशी घटस्फोट झाल्यानंतर अमीरच्या आयुष्यात गौरीची एन्ट्री झाली. त्यामुळेच आता या नव्या डावावर त्यांचे चाहते शुभेच्छांचा वर्षाव करत असतानाच, ५ जुलैला खरोखरच अमीर अधिकृत घोषणा करणार का, याकडे सगळ्यांचं लक्ष लागलं आहे.

📌 महत्वाच्या बातम्या

• फडणवीस सरकारच्या कर्जमाफीत जाचक अटी; विरोधकांचा मोठा हल्लाबोल अन् शेतकऱ्यांचा संताप, नेमकं काय घडलं?
• सावधान! समुद्रात उसळणार महाकाय लाटा; पावसाळ्यातले ‘हे’ ६ दिवस घराबाहेर पडूच नका
• इंदोरीकर महाराजांच्या जावयाचा लग्नानंतरचा पहिला वाढदिवस थाटात; कुटुंबाचे खास फोटो पाहून नेटकरीही थक्क!

📈 लोकप्रिय बातम्या

अंकिता लोखंडेने शेअर केले मशिदीतले फोटो, गोसेवा केल्यानंतर थेट हिजाब घातल्याने नेटकरी संतापले!

अमेरिकेने इराणवर केलेले हल्ले ठरले निमित्त, सोन्या-चांदीच्या किमतीत अचानक झाली मोठी घसरण!

जयंत पाटलांनी फडणवीसांना सांगितला मास्टरप्लॅन… एका झटक्यात पेट्रोल-डिझेल होणार स्वस्त?