अमरावती, 22 ऑक्टोबर: विधान परिषद निवडणुकीच्या मतदानाला अवघा एक दिवस उरला असताना अमरावतीमध्ये राजकीय घडामोडींना वेग आला आहे. एकमेकांचे कट्टर राजकीय विरोधक मानले जाणारे आमदार बच्चू कडू आणि रवी राणा हे एकत्र आले आहेत. महायुतीचे उमेदवार किरण सरनाईक यांच्या विजयासाठी या दोन्ही नेत्यांमध्ये अमरावतीच्या एका महाविद्यालयात गुप्त बैठक पार पडली आहे.
राज्यात सध्या विधान परिषदेच्या पाच जागांसाठी निवडणूक प्रक्रिया सुरू आहे. यामध्ये अमरावती आणि पुणे शिक्षक मतदारसंघासह पुणे, नागपूर आणि मराठवाडा पदवीधर मतदारसंघांचा समावेश आहे. या सर्व पाच जागांसाठी २३ ऑक्टोबर रोजी मतदान पार पडणार असून, २७ ऑक्टोबरला मतमोजणी होणार आहे.
मतदानाच्या एक दिवस आधीच कडू आणि राणा एकत्र आल्याने अमरावती शिक्षक मतदारसंघातील राजकीय समीकरणे बदलण्याची चर्चा सुरू झाली आहे. या मतदारसंघातून महायुतीमध्ये शिवसेना शिंदे गटाने विद्यमान आमदार किरण सरनाईक यांना उमेदवारी दिली आहे. त्यांच्याच विजयाची रणनीती ठरवण्यासाठी ही गुप्त बैठक झाल्याची माहिती समोर आली आहे.
दुसरीकडे, या निवडणुकीत महाविकास आघाडीसमोर दुहेरी आव्हान उभे राहिले आहे. एकाच मतदारसंघात मविआचे दोन उमेदवार रिंगणात आहेत. काँग्रेसने आदिती पोहेरे यांना उमेदवारी दिली आहे, तर शिवसेना ठाकरे गटाकडून दत्तात्रय लहाने निवडणूक लढवत आहेत. मविआतील या मतभेदामुळे आणि आता बच्चू कडू-रवी राणा यांच्या एकत्र येण्यामुळे महाविकास आघाडीला मोठा फटका बसण्याची शक्यता वर्तवली जात आहे.
📌 महत्वाच्या बातम्या
- भाजपला मोठा धक्का! बड्या नेत्याचा तडकाफडकी राजीनामा; 5 ओळीचं पत्र अन्…
- शशिकांत पाटील चुयेकर गोकुळचे नवे चेअरमन; सतेज पाटलांनी पाळला शब्द
- ११० टक्के तंदुरुस्त झाल्याशिवाय टीम इंडियात परतणार नाही; हार्दिक पांड्याची मोठी अट
Quick Answers
महायुतीचे उमेदवार किरण सरनाईक यांच्या विजयाची रणनीती ठरवण्यासाठी बच्चू कडू आणि रवी राणा यांच्यात अमरावतीच्या एका महाविद्यालयात गुप्त बैठक पार पडली.
विधान परिषदेच्या या पाच जागांसाठी २३ ऑक्टोबर रोजी मतदान पार पडणार असून २७ ऑक्टोबरला मतमोजणी होणार आहे.
महाविकास आघाडीकडून काँग्रेसच्या आदिती पोहेरे आणि शिवसेना ठाकरे गटाकडून दत्तात्रय लहाने हे दोन उमेदवार या निवडणुकीत रिंगणात आहेत.
महायुतीमध्ये शिवसेना शिंदे गटाने विद्यमान आमदार किरण सरनाईक यांना उमेदवारी दिली आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
