IPL 2025 च्या क्वालिफायर 2 मध्ये पंजाब किंग्सने मुंबई इंडियन्सला 204 धावांचं लक्ष्य 19 ओव्हरमध्ये 5 विकेट्स गमावून पूर्ण करून अंतिम फेरीत प्रवेश केला आहे. पंजाबला आयपीएल इतिहासात दुसऱ्यांदा फायनलमध्ये पोहोचण्यात यश मिळाले आहे. मुंबई इंडियन्सच्या या पराभवासह त्यांचा या हंगामातील प्रवास संपुष्टात आला.
पंजाबच्या विजयामागे कॅप्टन श्रेयस अय्यर आणि नेहल वढेरा यांच्या शानदार खेळाचा मोठा वाटा आहे. श्रेयसने 41 चेंडूत 8 सिक्स आणि 5 फोरसह 87* धावा केल्या, तर नेहल वढेरा 29 चेंडूत 48 धावा करत नायक ठरला. जोस इंग्लिस (38), प्रियांश आर्या (20) यांनी देखील संघासाठी चांगले काम केले.
IPL 2025 Qualifier 2: Punjab Kings Beat Mumbai Indians
मुंबईच्या गोलंदाजांना इतिहासात पहिल्यांदाच आयपीएलमध्ये 200 पेक्षा अधिक धावा रोखण्यात अपयश आले आहे. अश्विनी कुमारने 2 विकेट घेतल्या, तर ट्रेंट बोल्ट आणि हार्दिक पांड्याला प्रत्येकी 1-1 विकेट मिळाल्या. जसप्रीत बुमराहला या सामन्यात विकेट मिळाली नाही.
पहिल्या डाव पावसामुळे थोडा उशीराने सामना सुरू झाला. पंजाबने टॉस जिंकून मुंबईला प्रथम फलंदाजीसाठी पाठवले. मुंबईने 20 ओव्हरमध्ये 6 विकेट्स गमावून 203 धावा केल्या. सूर्यकुमार यादव आणि तिलक वर्मा या दोघांनी प्रत्येकी 44 धावा केल्या. जॉनी बेअरस्टोने 38 तर नमन धीरने 37 धावा केल्या. पंजाबकडून अझमलुल्लाह उमरझाई आणि इतर गोलंदाजांनी चांगली कामगिरी केली.
📌 महत्वाच्या बातम्या
- पंजाब किंग्ज 11 वर्षानंतर IPL फायनलमध्ये, ट्रॉफीसाठी आरसीबीशी भिडणार
- PBKS vs MI : श्रेयस अय्यरची मॅचविनिंग खेळी, पंजाबची फायनलमध्ये धडक, मुंबईचा 5 विकेट्सने धुव्वा
- सेवानिवृत्त शिक्षिकेला ‘डिजिटल अरेस्ट; IPS नांगरे पाटलांचे नाव सांगत 83 लाखांची फसवणूक
बातम्यांसाठी YouTube चॅनेल Subscribe करा
Subscribe Now
