Dhananjay Munde । मागील काही दिवसांपासून मंत्री धनंजय मुंडे अडचणीत आले आहेत. विरोधकांकडून सातत्याने त्यांच्या राजीनाम्याची मागणी केली जात आहे. अशातच भगवानगडाचे महंत नामदेव शास्त्री महाराज (Namdev Shastri Maharaj) यांनी त्यांची पाठराखण केली आहे. यामुळे त्यांना विरोधाचा सामना करावा लागतोय.
नामदेव शास्त्री यांच्यावर आता राष्ट्रवादी आध्यात्मिक व वारकरी आघाडीचे राज्यप्रमुख ह. भ. प. विठ्ठल आबा मोरे (Aaba More) यांनी पत्रकार परिषद घेत निशाणा साधला आहे. “शास्त्री बुवा तुम्ही हत्येचे समर्थन करता का? आरोपी फरार असताना शास्त्री बुवांनी त्यांना छुपा आश्रय होता का याची चौकशी का होऊ नये? जर दोन तास धनंजय मुंडे यांच्याशी चर्चा करून त्यांची मानसिकता समजून घेतली आणि त्यांना दुःख झाले, तर संतोष देशमुख यांच्या परिवाराची मानसिकता काय असेल याचे उत्तर बुवा देणार का?” असा सवाल मोरे यांनी उपस्थित केला.
“धनंजय मुंडे यांच्यामध्ये संत दिसत असेल तर भगवानगडाचे महंतपद त्यांना देणार का? शास्त्री बुवा खुनी, भ्रष्टाचारी, खंडणीखोरांसाठी धावून आले, याचा अर्थ खंडणीतील वाट त्यांना मिळाला असे का समजू नये. दोन समाजाला समोरासमोर लढा असे सांगणे भगवानगडाच्या महंताला शोभते का?” असा संतप्त सवाल देखील मोरे यांनी उपस्थित केला आहे.
Aaba More on Namdev Shastri Maharaj
दरम्यान, वारकरी संप्रदायाने नामदेव शास्त्री यांना अनेक सवाल उपस्थित करत त्यांच्या या वक्तव्याचा निषेध केला आहे. यावर आता नामदेव शास्त्री काय प्रत्युत्तर देतात? याकडे आता लक्ष लागले आहे.
महत्त्वाच्या बातम्या :
- इंग्लंडचा धुव्वा उडवणारा Abhishek Sharma कोणत्या संघाकडून खेळणार IPL? जाणून घ्या..
- कृष्णा आंधळेला कोणी लपवलं? Manoj Jarange Patil यांनी थेट नावच सांगितलं
- “कृष्णा आंधळेने पुरावे नष्ट केल्यास…”; Dhananjay Deshmukh यांनी प्रशासनाला धरले वेठीस
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
