मुंबई – मतदानाच्या शाईचा रंग उडाला की लोकशाहीचाच रंग फिका पडलाय? मुंबई महानगरपालिकेच्या निवडणुकीत (BMC Election 2026) आज हा प्रश्न प्रत्येक मुंबईकराला पडलाय. मतदानानंतर बोटावरची शाई पुसली जात असल्याचा धक्कादायक प्रकार समोर आल्यानंतर Uddhav Thackeray यांनी अत्यंत आक्रमक पवित्रा घेतला आहे. “संविधान म्हणतं मतदान करा आणि निवडणूक आयोग म्हणतंय हिंमत असेल तर करूनच दाखवा,” अशा शब्दांत उद्धव ठाकरेंनी निवडणूक आयोगाच्या (Election Commission) कारभाराचे वाभाडे काढले आहेत.
आज मुंबईत अनेक ठिकाणी मतदारांच्या बोटावरील शाई पुसली जात असल्याच्या तक्रारी आल्या. यावर पत्रकार परिषद घेत ठाकरेंनी आयोगाला धारेवर धरले. “निवडणूक आयोग आणि आयुक्त कसला पगार खात आहेत? ९ वर्षांनंतर निवडणुका होत आहेत, तरीही कसलीच सुधारणा नाही. मतदारांच्या याद्यांमध्ये घोळ आहे, महिलांच्या फोटोच्या जागी पुरुषांची नावे आहेत. हा सगळा भोंगळ कारभार संतापजनक आहे,” असा घणाघात त्यांनी केला. शाई पुसली जात नसून “लोकशाहीच पुसली जात आहे,” असा गंभीर आरोपही त्यांनी केला.
या गोंधळावरून उद्धव ठाकरेंनी उपमुख्यमंत्री देवेंद्र फडणवीस (Devendra Fadnavis) आणि भाजपवरही (BJP) शेलक्या शब्दांत टीका केली. “देवेंद्र फडणवीस आणि त्यांची ‘चोर कंपनी’ हारली आहे. पराभव समोर दिसत असल्यामुळेच, हारलेल्या मानसिकतेतून त्यांना हे असले प्रकार करावे लागत आहेत,” असा टोला ठाकरेंनी लगावला. जर तुमच्यात हिंमत असती, तर आमच्यासारखे लोकांसमोर जाऊन लढला असतात, असे आव्हानही त्यांनी दिले.
प्रभाग क्रमांक २२६ मधील टपाली मतदानाच्या गोंधळावर आणि गणेश नाईक यांच्या ‘गायब’ असलेल्या मतदान केंद्रावरही त्यांनी बोट ठेवले. “महायुतीकडे आता काहीच कर्तृत्व उरले नाही. गणेश नाईक यांचा ‘टांगा’ फिरून फिरून दुखला आणि घोडा आता फरार झालाय,” अशी मिश्कील टिप्पणीही त्यांनी केली. निवडणूक आयोगाचा हा कारभार पाहता, राज्य निवडणूक आयुक्तांना तात्काळ निलंबित करून त्यांच्यावर कारवाई झाली पाहिजे, अशी जोरदार मागणी उद्धव ठाकरेंनी केली आहे.
📌 महत्वाच्या बातम्या
- अजित पवारांचा महेश लांडगेंना इशारा; ‘त्या’ डावाने फिरवून फेकून दिला नाही तर पवारांची औलाद नाही!
- ‘दोन्ही राष्ट्रवादी एक होणार?’; अजित पवारांनी स्पष्टच सांगितलं, सुप्रिया सुळेंबाबतही मोठा खुलासा!
- गुजराती अभिनेत्रीचा राज ठाकरेंना पाठिंबा? अस्खलित मराठीत Video शेअर करत म्हणाली, ‘खऱ्या राजाच्या हातात…’
बातम्यांसाठी YouTube चॅनेल Subscribe करा
Subscribe Now
