नवी दिल्ली, 12 ऑक्टोबर: केंद्र सरकार आणि मुख्य निवडणूक आयुक्त ज्ञानेश कुमार यांच्यावर काँग्रेस नेते राहुल गांधी (Rahul Gandhi) यांनी शनिवारी तीव्र शब्दांत हल्लाबोल केला. “मुख्य निवडणूक आयुक्त ज्ञानेश कुमार जातील आणि हे मोदी सरकारही जाईल. त्यानंतरच देशात लोकशाहीची खरी दुरुस्ती सुरू होईल,” असा ठाम दावा राहुल गांधी यांनी केला आहे.
राहुल गांधी यांनी संसद भवनाच्या सेंट्रल हॉलमध्ये ‘इंडिया’ आघाडीच्या खासदारांसमोर केलेल्या भाषणाचा व्हिडीओ सोशल मीडियावर शेअर करत ही भूमिका मांडली. याव्यतिरिक्त, राष्ट्रपतींची भेट घेतल्यानंतरही त्यांनी आपली प्रतिक्रिया नोंदवली. “भारतात मुक्त आणि निष्पक्ष निवडणूक व्यवस्था असल्याचे सांगत राष्ट्रपती ‘मत चोरी’ होत असल्याचा इन्कार करतील अशी माझी अपेक्षा होती. मात्र मला मोठा धक्का बसला,” असे राहुल गांधी म्हणाले.
दुसरीकडे, काँग्रेस नेत्या प्रियांका गांधी-वढेरा यांनीही सरकारवर जोरदार टीकास्त्र सोडले. भारत आता लोकशाही देश उरला नसून पंतप्रधान नरेंद्र मोदी आणि गृहमंत्री अमित शहा यांच्याद्वारे चालवली जाणारी ती एक हुकूमशाही बनली आहे, असा घणाघात त्यांनी केला. लोकशाही उद्ध्वस्त करण्यासाठी या नेत्यांना साथ देणारे लोक देशद्रोह करत असल्याचा आरोप प्रियांका यांनी केला.
२५४ खासदारांना बेदम मारहाण करण्यात आल्याचा गंभीर आरोपही प्रियांका गांधी यांनी शनिवारी केला. या खासदारांच्या मूलभूत घटनात्मक अधिकारांवर गदा आणून त्यांना पूर्णपणे बेकायदेशीररीत्या ताब्यात घेण्यात आल्याचेही त्यांनी स्पष्ट केले.
📌 महत्वाच्या बातम्या
- अमरावती हादरलं! आई खोटं बोलत असल्याच्या संतापातून इंजिनिअर मुलाने घेतला जन्मदातीचा बळी
- इंडिया ‘अ’ चा ऑस्ट्रेलियावर ४९ धावांनी दणदणीत विजय, मुंबईकर सुर्यांश शेडगेची दमदार खेळी
- सरन्यायाधीश सूर्यकांत यांनी फेटाळली इंडिया आघाडीची भेटीची विनंती; विरोधकांचा सुप्रीम कोर्टावर मोर्चा धडकणार
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
