🕒 1 min read
शाहरुख खानचे आभार मानले म्हणून एखाद्याला थेट आपल्या हिंदुत्वाचीच साक्ष द्यावी लागेल, असा विचार तुम्ही कधी केलाय का? होय, सध्या ‘देऊळ बंद 2’ च्या यशानंतर कौतुकाचा वर्षाव होत असतानाच दिग्दर्शक प्रवीण तरडेंवर (Pravin Tarde) अशीच वेळ आलीये.
सिनेमाच्या पोस्ट-प्रॉडक्शनसाठी शाहरुखच्या (Shah Rukh Khan) ‘रेड चिलीज’ स्टुडिओने आर्थिक मदत केल्याचं प्रवीण तरडेंनी नुकतंच एका मुलाखतीत उघड केलं होतं. पण या एका आभार प्रदर्शनावरून सोशल मीडियावर त्यांना धर्मावरून टार्गेट करण्यात आलं. आता मात्र तरडेंनी या ट्रोलर्सची चांगलीच शाळा घेतली आहे.
Pravin Tarde on Shah Rukh Khan
नुकतंच ‘पॉडकट्टा’ला दिलेल्या मुलाखतीत बोलताना प्रवीण तरडेंनी स्पष्टच सांगितलं, “इथे हिंदू-मुस्लीम म्हणण्याचा प्रश्न येतोच कुठे? मी रेड चिलीजकडे डिस्काउंट मागितला. शाहरुखनं त्याच्या टीमला फक्त सिनेमा कसा आहे, एवढंच विचारलं.”
सिनेमा उत्तम असल्याचं कळताच शाहरुखने फक्त पैशात सवलतच दिली नाही, तर थेट DCP (सिनेमाची फायनल कॉपी) हातात दिली. “पैसे पूर्ण भरल्याशिवाय कुणीही DCP देत नाही, पण शाहरुखनं सांगितलं की बिलाचं नंतर बघूया. हा त्याचा मोठेपणा नाही का रे?” असा खडा सवाल तरडेंनी विचारला.
“मी किती हिंदुत्ववादी आहे, हे मला कुणी शिकवू नये,” असं म्हणत त्यांनी सडेतोड भूमिका मांडली. एखाद्यानं मोठ्या मनानं मदत केली, तर जात-पात आणि धर्म बघून आपण त्याचे उपकार विसरायचे का? असा रास्त मुद्दा त्यांनी उपस्थित केला.
यावेळी त्यांनी सलमान खानचंही उदाहरण दिलं. “सलमान खान सुद्धा त्याच्या घरी गणपती आणतोच ना. तो सोशल मीडियावर हे सगळं शेअर सुद्धा करतो. जो चांगला आहे तो चांगला आहे,” असं ते म्हणाले.
“गरजवंताला मदत करताना विचारसरणी आणि धर्म नसतो. जिथे विचार मांडायचे असतात, तिथे माणसाने कणखर राहिलंच पाहिजे,” असं म्हणत प्रवीण तरडेंनी या वादावर कायमचा पडदा टाकला आहे.
📌 महत्वाच्या बातम्या
- IND vs ZIM: संजू सॅमसन OUT! झिम्बाब्वे दौऱ्यासाठी भारताचा संघ जाहीर
- पुढचे 24 तास धोक्याचे! मुंबई, पुण्यासह अनेक जिल्ह्यांना IMD चा रेड अलर्ट
- ‘मानवी जीविताला सर्वोच्च प्राधान्य द्या!’ सुनेत्रा पवारांचे प्रशासनाला कडक आदेश
बातम्यांसाठी YouTube चॅनेल Subscribe करा
Subscribe Now
