मुंबई : बहुचर्चित पवनराजे निंबाळकर (Pawanraje Nimbalkar) हत्याकांड प्रकरणाची आज सत्र न्यायालयात सुनावणी होणार आहे. या प्रकरणातील निकाल आज जाहीर होण्याची शक्यता असून, सर्वांचे लक्ष न्यायालयाच्या निर्णयाकडे लागले आहे.
या सुनावणीसाठी खासदार ओमराजे निंबाळकर (Omraje Nimbalkar) हे न्यायालयात उपस्थित राहण्यासाठी मुंबईत दाखल झाले आहेत. ओमराजे निंबाळकर हे दिवंगत पवनराजे निंबाळकर यांचे पुत्र आहेत. न्यायालयाने या प्रकरणातील सर्व आरोपींना सुनावणीसाठी हजर राहण्याचे आदेश दिले आहेत. यामध्ये पद्मसिंह पाटील यांच्यासह अन्य आरोपींचा समावेश आहे.
दरम्यान, सुनावणीच्या पार्श्वभूमीवर सत्र न्यायालयाच्या परिसरात शिवसैनिक मोठ्या संख्येने जमले आहेत. कोणताही अनुचित प्रकार घडू नये यासाठी न्यायालय परिसरात सुरक्षेची खबरदारी घेण्यात आली आहे.
पवनराजे निंबाळकर यांच्या हत्येच्या घटनेने महाराष्ट्राच्या राजकारणात मोठी खळबळ उडाली होती. आता या प्रकरणात न्यायालय काय निर्णय देते, याकडे धाराशिवसह संपूर्ण राज्याचे लक्ष लागले आहे.
📌 महत्वाच्या बातम्या
- अभिनेत्री संचिता उगले मृत्यू प्रकरण: AICWA चं मोठं पाऊल, थेट देवेंद्र फडणवीसांना पत्र लिहून केली ‘ही’ मागणी
- अरविंद सावंत यांचा मोठा गौप्यस्फोट: ‘ऑपरेशन टायगर’ फेल? ९ खासदारांबद्दल केला खळबळजनक दावा
- ठाकरे गटाचे ‘ते’ ६ बंडखोर खासदार दिल्लीतून अचानक गायब; एकनाथ शिंदेंची रणनीती बदलली?
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
