🕒 1 min read
सोशल मीडियावर सध्या एकाच गोष्टीची चर्चा आहे… मराठमोळी अभिनेत्री मृणाल ठाकूर (Mrunal Thakur) आणि साऊथ सुपरस्टार धनुष (Dhanush) खरंच लग्न करणार? या चर्चांना उधाण आलेलं असतानाच आता खुद्द अक्षय कुमारनेच (Akshay Kumar) या प्रकरणाचा सोक्षमोक्ष लावला आहे. ‘दो दिवाने शहर में’ या आगामी चित्रपटाच्या प्रमोशन दरम्यान घडलेल्या एका किस्स्यानं सध्या सर्वांचे लक्ष वेधून घेतलंय.
नुकताच मृणाल ठाकूर आणि सिद्धांत चतुर्वेदी (Siddhant Chaturvedi) यांचा ‘दो दिवाने शहर में’ हा सिनेमा प्रदर्शनासाठी सज्ज झाला आहे. या चित्रपटाची टीम अक्षय कुमारच्या ‘व्हील ऑफ फॉर्च्यून’ (Wheel of Fortune) शोमध्ये पोहोचली होती.
Mrunal Thakur Relationship
तिथे खिलाडी कुमारने आपल्या नेहमीच्या खोडकर शैलीत मृणालला थेट प्रश्न विचारलाच! “मृणाल, सोशल मीडियावर तुझ्याबद्दल खूप चर्चा आहे, तुझं सध्याचं नेमकं Relationship Status काय आहे?” अक्षयच्या या गुगलीवर मृणालनेही क्षणाचाही विचार न करता रोखठोक उत्तर दिलं. ती म्हणाली, “मी सध्या सिंगल आहे आणि मिंगल होण्यासाठी तयार आहे.”
मृणालच्या या एका वाक्याने धनुषसोबतच्या लग्नाच्या सर्व अफवांना पूर्णविराम मिळाला आहे. गंमत म्हणजे, मृणालचं हे उत्तर ऐकून अक्षयने लगेच प्रेक्षकांमधल्या एकाला उभं केलं, पण त्या व्यक्तीने “माझं लग्न झालंय,” असं सांगताच एकच हशा पिकला. त्यावर अक्षयने, “अरे, मी तुला मिंगल व्हायला नाही बोललो,” अशी कोटी करत वातावरण हलकंफुलकं केलं.
दरम्यान, रवी उदयवार दिग्दर्शित आणि भन्साळी प्रॉडक्शनचा ‘दो दिवाने शहर में’ हा रोमँटिक ड्रामा येत्या २० फेब्रुवारीला प्रेक्षकांच्या भेटीला येत आहे. मृणालने लग्नाच्या चर्चा फेटाळल्या असल्या तरी, तिचं हे ‘मिंगल’ होण्याचं वक्तव्य नेटकऱ्यांमध्ये मात्र चांगलंच व्हायरल होत आहे.
📌 महत्वाच्या बातम्या
- महाशिवरात्री २०२६: शंकराच्या पिंडीवर पाणी वाहण्याची ‘ही’च ती योग्य वेळ; फक्त ५२ मिनिटांचा मुहूर्त का आहे खास?
- गौतमी पाटीलला नवरा कसा हवा? लग्नासाठी ठेवली मोठी अट; पहिल्यांदाच बोलली लाइफ पार्टनर विषयी
- उदित नारायण पुन्हा वादात; दारू पार्टीच्या VIDEO मुळे ट्रोल, गणपतीचा फोटो पाहताच नेटकऱ्यांचा संताप!
बातम्यांसाठी YouTube चॅनेल Subscribe करा
Subscribe Now
