अक्कलकोटच्या मंदिरात पायरीवर डोकं ठेवलं अन्…; निवेदिता सराफ यांनी सांगितला स्वामीभक्तीचा भावूक अनुभव

प्रतिनिधी, 1 नोव्हेंबर: अभिनेत्री निवेदिता सराफ यांचा श्री स्वामी समर्थांच्या अर्धनारीश्वर रूपातील एक फोटो सध्या सोशल मीडियावर प्रचंड व्हायरल होत आहे. हा फोटो पाहून अनेक स्वामीभक्तांचे डोळे पाणावले. याच पार्श्वभूमीवर निवेदिता सराफ यांनी स्वतःचा अक्कलकोटमधील एक अत्यंत भावूक प्रसंग नुकताच उलगडला. हा अनुभव सांगताना त्या ढसाढसा रडल्या.

एका मुलाखतीत त्यांनी स्वामी भक्तीची सुरुवात कशी झाली, याविषयी भाष्य केले. पती अशोक सराफ यांच्यामुळेच आपण स्वामींच्या भक्तीकडे वळलो असल्याचे त्यांनी स्पष्ट केले. त्याआधी त्यांना याविषयी फारशी माहिती नव्हती. अशोक सराफ यांनी सलग सहा वर्षे स्वामींची भक्ती करत व्रत केले होते आणि त्यासाठी त्यांनी मांसाहारही सोडला होता.

एकदा सोलापूरमध्ये चित्रीकरण सुरू असताना अशोक सराफ यांनी आपले सहा वर्षांचे व्रत समर्पित करण्याची इच्छा व्यक्त केली होती. त्यांना मंदिरात जाऊन पोथी वाचायची होती. यासाठी निर्माते सतीश कुलकर्णी यांच्यासोबत ते मंदिरात गेले. विशेष म्हणजे त्यावेळी काकड आरतीच्या वेळी मंदिरात एकही माणूस (चिटपाखरू) नसताना त्यांनी तिथे बसून पूर्ण अध्याय वाचल्याची आठवण निवेदिता यांनी सांगितली. ही सत्य घटना ऐकल्यानंतर त्यांच्याही मनात तो ग्रंथ वाचण्याची ओढ निर्माण झाली.

तो ग्रंथ वाचल्यानंतर निवेदिता सराफ स्वतः अक्कलकोटला गेल्या. अक्कलकोटमध्ये वटवृक्ष मठ आणि समाधी मठ असे दोन मठ आहेत. यापैकी स्वामींनी जिथे खाली जाऊन समाधी घेतली, त्या समाधी मठात त्या आधी गेल्या. तिथला अनुभव सांगताना निवेदिता म्हणाल्या की, त्या समाधी मठातील चांदीच्या कमानीजवळील पायरीवर डोकं ठेवताच आपण घरी आल्याची भावना त्यांच्या मनात निर्माण झाली.

हा प्रसंग सांगताना निवेदिता यांना गहिवरून आले. डोळ्यांत आलेले पाणी पुसत त्या म्हणाल्या, “मला बोलताना सुद्धा भरून येत आहे आणि हे अश्रू श्रद्धेचे आहेत. हे कुठल्याही दुःखाचे नाहीयेत किंवा आनंदाचेही नाहीयेत.”

📌 महत्वाच्या बातम्या

• कोण आहेत निधी राझदान? मुख्यमंत्री ओमर अब्दुल्लांशी विवाह केल्याने आल्या चर्चेत
• दारूच्या प्रत्येक बाटलीवर १० रुपये अतिरिक्त आकारणार; रिकामी बाटली दिल्यास मिळणार परतावा
• बांगलादेश विरुद्ध वेस्ट इंडिज कसोटीनंतरची WTC गुणतालिका: वेस्ट इंडिजचा ८ गडी राखून विजय