🕒 1 min read
Rohit Pawar | टीम महाराष्ट्र देशा: राज्यामध्ये मराठा समाजाचं आरक्षणासाठी (Maratha Reservation) आंदोलन सुरू असताना शरद पवार गटाचे नेते रोहित पवार यांची युवा संघर्ष यात्रा सुरू आहे.
मराठा समाजाला आरक्षण मिळावं, यासाठी अनेक गावकऱ्यांनी पुढाऱ्यांसाठी गाव बंदी केली आहे. छत्रपती संभाजीनगर, परभणी, नांदेड, बीड, हिंगोली या जिल्ह्यातील बहुतांश गावामध्ये गाव बंदीचे फलक दिसून आले आहे.
अशात रोहित पवार गावागावांना भेट आहेत. याच पार्श्वभूमीवर मराठा समाजाने आक्रमक भूमिका घेतली आहे. रोहित पवार यांनी उद्या त्यांची यात्रा थांबवली नाही तर आम्ही त्यांची यात्रा थांबवू, असं मराठा वनवास यात्रेच्या योगेश केदार यांनी स्पष्ट केलं आहे.
Yogesh Kedar commented on Rohit Pawar
योगेश केदार म्हणाले, “आमदार रोहित पवार (Rohit Pawar) यांनी त्यांची सुरू असलेली यात्रा आजच्या आज थांबवावी. उद्या संध्याकाळपर्यंत ते जर चालताना दिसले तर सकल मराठा समाजाकडून त्यांचे कपडे काढल्या जाईल.
आम्ही तुम्हाला हा शेवटचा इशारा देत आहोत. तुमची ही यात्रा अजिबात खपवून घेतली जाणार नाही. मराठा समाजाने आरक्षण (Maratha Reservation) मिळावं, यासाठी गाव बंदी केलेली आहे. यासाठी रोहित पवार अपवाद असू शकत नाही, त्यामुळे लवकरात लवकर त्यांनी त्यांची यात्रा थांबवावी.”
Gunaratna Sadavarte commented on Maratha Reservation
दरम्यान, मराठा आरक्षणाच्या मुद्द्यावर वकील गुणरत्न सदावर्ते यांनी आक्रमक भूमिका मांडली आहे. ते म्हणाले, “मनोज जरांगे यांनी माझ्यावर हल्ला केला. मात्र, हल्ला करून मला कोणीही शांत करू शकत नाही.
यापुढे आता कोणत्याही प्रकारचा हिंसाचार झाला तर कायदेशीर प्रक्रिया केली जाईल. 50 टक्के जागा या खुल्या प्रवर्गासाठी आहे. यामधील एकही जागा मी कुणालाही (Maratha Reservation) मिळू देणार नाही.”
महत्वाच्या बातम्या
- Maratha Reservation | खुल्या प्रवर्गासाठी असलेल्या 50 टक्के जागा मी मराठ्यांना मिळू देणार नाही; गुणरत्न सदावर्ते आक्रमक
- Sharad Pawar | जे करणं शक्य नाही त्याचा शब्द देऊ नये; मराठा आरक्षणावर शरद पवारांची प्रतिक्रिया
- Maratha Reservation | आधी आरक्षण अन् मग वेशीच्या आत प्रवेश; मराठा आंदोलकांनी मा. मंत्र्याची गाडी अडवत विचारला जाब
- Maratha Reservation | गुणरत्न सदावर्ते यांना चाप बसावा म्हणून त्यांची गाडी फोडली – मंगेश साबळे
- Maratha Reservation | मराठा समाज आरक्षणासाठी पेटलेला असताना नेते कोणत्या विकासाचं राजकारण करताय; मनोज जरांगे आक्रमक
बातम्यांसाठी YouTube चॅनेल Subscribe करा
Subscribe Now
