🕒 1 min read
तुमच्या खात्यात ‘लाडकी बहीण’चे पैसे यायचे थांबलेत का? मग ही बातमी तुमच्यासाठीच आहे. गेल्या काही दिवसांपासून ई-केवायसीच्या तांत्रिक अडचणींमुळे अनेक महिलांचे हप्ते रखडले होते, पण आता सरकारने यावर तोडगा काढला असून लाडक्या बहिणींना (Ladki Bahin Yojana) मोठा दिलासा मिळणार आहे. महिला व बालविकास विभागाने दिलेल्या माहितीनुसार, ज्यांचे पैसे अडकले होते, त्यांना आता मागील तीन महिन्यांचे पैसे एकत्र दिले जाणार आहेत.
विधानसभा निवडणुकीत महायुती सरकारला या योजनेचा मोठा फायदा झाला, पण त्यानंतर अनेक महिलांचे ई-केवायसी (e-KYC) अपडेट नसल्याने नोव्हेंबर आणि डिसेंबरचे पैसे जमा झाले नव्हते. यामुळे महिलावर्गात संताप होता, काही ठिकाणी तर महिलांनी रस्त्यावर उतरून नाराजीही व्यक्त केली होती. या पार्श्वभूमीवर सरकारने पडताळणीचे आदेश दिले होते. आता ही प्रक्रिया पूर्ण होत आली असून, ज्यांचे नोव्हेंबर, डिसेंबर आणि जानेवारीचे हप्ते थकले आहेत, त्यांच्या खात्यात थेट ४५०० रुपये जमा होणार आहेत.
Ladki Bahin Yojana Update
मात्र, यात एक महत्त्वाचा मुद्दा लक्षात घ्यायला हवा. हा नियम सर्वांसाठी नाही. ज्या महिलांना यापूर्वीच नोव्हेंबर आणि डिसेंबरचे पैसे मिळाले आहेत, त्यांना फक्त जानेवारी महिन्याचा १५०० रुपयांचा हप्ता मिळेल. पण ज्यांचे पैसे तांत्रिक कारणामुळे अडकले होते, त्यांना तिन्ही महिन्यांचे पैसे एकरकमी मिळतील.
दरम्यान, लाडक्या बहिणींना २१०० रुपये कधी मिळणार? याचीही चर्चा जोरात आहे. मंत्री चंद्रशेखर बावनकुळे आणि उदय सामंत यांनी दिलेल्या संकेतानुसार, भविष्यात ही रक्कम वाढण्याची शक्यता आहे. तसं झाल्यास महागाईच्या काळात महिलांना हा खूप मोठा आधार ठरेल.
📌 महत्वाच्या बातम्या
- वर्ल्डकपमध्ये भारताला ‘या’ गोष्टीपासून मोठा धोका; धोनीने स्पष्टच सांगितलं, म्हणाला “मी सुद्धा…”
- अदानी हेलिकॉप्टरचीही निर्मिती करणार! आता भारतातच बनवणार हेलिकॉप्टर्स; ‘या’ दिग्गज कंपनीशी हातमिळवणी
- अजय देवगणची RSS साठी खास पोस्ट; ‘शतक’चा टीझर शेअर करत म्हणाला, “देशासाठी…”
बातम्यांसाठी YouTube चॅनेल Subscribe करा
Subscribe Now
