आयपीएलचा अंतिम टप्पा सुरु असतानाच ऑनलाईन सट्टेबाजीचा मुद्दा पुन्हा ऐरणीवर आला आहे. इंडियन प्रीमियर लीगच्या (IPL) नावाचा वापर करून सुरू असलेल्या ऑनलाईन सट्टेबाजीबाबत (IPL betting) दाखल झालेल्या याचिकेवर सुनावणी करताना सर्वोच्च न्यायालयाने (Supreme Court) केंद्र सरकारला नोटीस बजावली आहे.
या याचिकेनुसार देशभरात विविध ऑनलाईन अॅप्सच्या माध्यमातून सट्टेबाजी सुरू असून, त्यात अनेक बॉलीवूड-टॉलीवूड कलाकार आणि काही खेळाडू प्रचार करत आहेत. यामुळे अनेक तरुणांवर मानसिक ताण वाढून आत्महत्येचे प्रकार घडल्याचाही आरोप करण्यात आला आहे.
Online betting in the name of IPL, Supreme Court issues notice to Central Government
न्यायमूर्ती सूर्यकांत आणि न्यायमूर्ती एन. कोटिश्वर सिंह यांच्या खंडपीठासमोर सुनावणी झाली. न्यायालयाने यास सामाजिक विकृती मानत गंभीर चिंता व्यक्त केली. “हत्यांप्रमाणेच सट्टेबाजीही पूर्णपणे रोखणे कठीण आहे, कारण लोक स्वेच्छेने यात सहभागी होतात,” असे न्यायालयाने स्पष्ट केले.
या प्रकारावर केंद्र सरकारने कारवाई करावी, तसेच विविध राज्य सरकारांकडूनही उत्तर मागवण्याची आमची तयारी आहे, असे न्यायालयाने म्हटले. यामुळे ऑनलाईन सट्टेबाजीवर नियंत्रण आणण्यासाठी केंद्र आणि राज्य सरकारांना काय निर्णय घ्यावे लागतील, हे पाहणे महत्त्वाचे ठरणार आहे.
📌 महत्वाच्या बातम्या
- राज्यात पावसाचा इशारा कायम, हवामान विभागाकडून ‘या’ जिल्ह्यांना अलर्ट जारी
- ‘भूल चूक माफ’ ची दमदार सुरुवात; ‘रेड 2’ अजूनही बॉक्स ऑफिसवर मजबूत
- पुणे पोलिसांचा काळा चेहरा: वैष्णवी हगवणे प्रकरण, पोर्शे केस, आणि वाढते पोलिस-गुन्हेगार साटेलोट
बातम्यांसाठी YouTube चॅनेल Subscribe करा
Subscribe Now
