🕒 1 min read
महाराष्ट्राच्या लावणी विश्वात सध्या थिरकणाऱ्या पावलांपेक्षा दोन नृत्यांगनांमधील ‘कोल्ड वॉर’चीच (Cold War) चर्चा जास्त रंगली आहे. ‘सबसे कातिल’ गौतमी पाटील (Gautami Patil) आणि बिग बॉस फेम राधा पाटील (Radha Patil) यांच्यात सगळं काही आलबेल नाही, हे जगजाहीर आहे. राधाने केलेल्या गंभीर आरोपांवर गौतमीने आजवर मौन बाळगले होते, पण आता एका मुलाखतीत तिने यावर ‘सणसणीत’ भाष्य केलं आहे.
गौतमीला विचारण्यात आलं की, “राधाचं तुझ्यावर प्रेम आहे, असं आम्ही ऐकलंय.” यावर गौतमीने अत्यंत मार्मिक आणि काहीसं उपरोधिक उत्तर दिलं. ती म्हणाली, “हो, तिचं माझ्यावर खूपच जास्त प्रेम आहे. चांगली गोष्ट आहे.” पण पुढे तिने जे सांगितलं, तोच तिचा खरा ‘अटिट्यूड’ होता. गौतमी म्हणाली, “कुणी काहीही बोललं तरी मला फरक पडत नाही. एका कानाने ऐकायचं आणि दुसऱ्या कानाने सोडून द्यायचं, हाच माझा मंत्र आहे.”
Gautami Patil on Radha Patil
हे शीतयुद्ध तेव्हा समोर आलं जेव्हा राधा पाटीलने गौतमीवर अपमानाचा आरोप केला होता. राधाच्या दाव्यानुसार, एका कार्यक्रमात राधाची एन्ट्री होताच प्रेक्षकांनी जल्लोष केला, जे पाहून गौतमीचा पारा चढला. “माझी लेव्हल काय आहे? मला कुणासोबत डान्स करायला लावताय?” असं म्हणत गौतमीने आयोजकांकडे तक्रार केल्याचा गौप्यस्फोट राधाने केला होता. इतकंच नाही तर बिग बॉसमध्ये जातानाही राधाने “मी गौतमीला घाबरत नाही,” असं ओपन चॅलेंज दिलं होतं.
यावर गौतमीने आता स्पष्ट शब्दांत सुनावलं आहे. “लोकांना आजकाल माझं नाव घेऊन काहीही बरळायची सवय झालीये. पण माझे चाहते (Fans) सोशल मीडियावर अशांना चोख उत्तर देतात, याचा मला अभिमान आहे,” असं म्हणत तिने राधाला अप्रत्यक्ष टोला लगावला आहे.
📌 महत्वाच्या बातम्या
- रोहित पवारांना सुप्रीम कोर्टाचा ‘धक्का’; भर कोर्टात न्यायाधीशांनी झापलं, विचारला ‘हा’ जाब!
- ट्रम्प यांच्या एका निर्णयाने भारतात खळबळ; सोने-चांदीच्या भावात मोठी उसळी, चांदी थेट अडीच लाखांवर!
- IND vs PAK : भारत-पाक सामना रद्द होणार? पाकिस्तानच्या ‘त्या’ निर्णयावर बीसीसीआयची पहिली प्रतिक्रिया
बातम्यांसाठी YouTube चॅनेल Subscribe करा
Subscribe Now
