प्रतिनिधी, 11 ऑक्टोबर: दिल्लीत सुरू असलेल्या आंदोलनादरम्यान मेट्रो आणि रस्ते वाहतूक रोखल्याप्रकरणी सर्वोच्च न्यायालयात रविवारी विशेष सुनावणी होणार आहे. न्यायालयाच्या आदेशानंतरही प्रशासनाने वाहतूक व्यवस्था विस्कळीत केल्याचा आरोप करत केंद्रीय गृहसचिवांसह वरिष्ठ अधिकाऱ्यांविरोधात अवमान याचिका दाखल करण्यात आली आहे. न्यायमूर्ती जॉयमाल्य बागची आणि न्यायमूर्ती व्ही. मोहना यांच्या खंडपीठासमोर ही सुनावणी पार पडेल.
कॉकरोच जनता पार्टीच्या आंदोलनावेळी १० ऑक्टोबर रोजी दिल्ली मेट्रो आणि रेल्वे सेवा पूर्णपणे बंद करू नयेत, असे स्पष्ट निर्देश सर्वोच्च न्यायालयाने दिले होते. मात्र, या आदेशाचे उल्लंघन करत ५७ मेट्रो स्थानके आणि दिल्लीकडे जाणारी रेल्वे वाहतूक थांबवण्यात आली. यामुळे जनजीवन विस्कळीत झाले असून, नागरिकांच्या मूलभूत हक्कांचे उल्लंघन झाल्याचा दावा वकील चांद कुरेशी यांच्यामार्फत दाखल करण्यात आलेल्या याचिकेत करण्यात आला आहे.
वकील शैलेंद्र मणी त्रिपाठी यांनी ही अवमान याचिका दाखल केली आहे. यामध्ये केंद्रीय गृहसचिव गोविंद मोहन, दिल्लीचे पोलीस आयुक्त अनुराग कुमार आणि दिल्ली मेट्रो रेल कॉर्पोरेशनचे (डीएमआरसी) अध्यक्ष डी. तारा यांना प्रतिवादी करण्यात आले आहे. सर्वोच्च न्यायालयाच्या ९ ऑक्टोबरच्या आदेशाकडे जाणीवपूर्वक दुर्लक्ष केल्याचा ठपका ठेवत त्यांच्यावर कठोर कारवाईची मागणी करण्यात आली आहे. या सुनावणीत काही वकिलांच्या अटकेचा मुद्दाही उपस्थित होण्याची शक्यता आहे.
निवडणूक आयोगाच्या कामकाजातील कथित गैरव्यवहारावरून मुख्य निवडणूक आयुक्त ज्ञानेश कुमार यांच्याविरोधात कॉकरोच जनता पार्टी आणि काही विद्यार्थी संघटनांनी हे आंदोलन पुकारले आहे. यापूर्वी सरन्यायाधीश सूर्यकांत, न्यायमूर्ती जॉयमाल्य बागची आणि न्यायमूर्ती व्ही. मोहना यांच्या खंडपीठाने स्पष्ट केले होते की, कायदा व सुव्यवस्था राखण्यासाठी उपाययोजना करण्याचा अधिकार पोलिसांना असला तरी, सर्व काही थांबवून सामान्य नागरिकांना विनाकारण वेठीस धरता येणार नाही.
📌 महत्वाच्या बातम्या
- दीपके दिल्लीत, राहुल गांधी चेन्नईत; काँग्रेसने CJP च्या आंदोलनाकडे पाठ फिरवण्यामागे आहेत ही ३ कारणे
- …म्हणून तत्कालीन संरक्षण मंत्र्यांनी नाना पाटेकरांना थेट कारगिल युद्धात पाठवले; थरारक किस्सा
- पोलिसांच्या ताब्यात असलेल्या अभिजीत दिपकेंचा मानसिक छळ? सीजेपीच्या आरोपाने खळबळ
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
