नवी दिल्ली, १२ सप्टेंबर: सीबीआयने (CBI) एक कोटी रुपयांच्या लाच प्रकरणात केंद्रीय वस्तू आणि सेवा कर (CGST) व केंद्रीय उत्पादन शुल्क विभागाच्या आयुक्तालयातील अधीक्षकासह एका सल्लागाराला अटक केली आहे. रायगड जिल्ह्यातील नवीन पनवेल येथील एका खासगी रिअल्टी कंपनीच्या प्रकल्प प्रमुखाने केलेल्या तक्रारीवरून सीबीआयने गुन्हा दाखल करून ही कारवाई केली.
तक्रारीनुसार, संबंधित कंपनी नवी मुंबईतील नवीन पनवेलच्या सेक्टर १७ मधील दोन इमारतींच्या पुनर्विकासाचे काम करत आहे. यामध्ये सीजीएसटी आणि केंद्रीय उत्पादन शुल्क, रायगड आयुक्तालयाच्या मालकीच्या २४ फ्लॅट्सचा समावेश आहे. या फ्लॅट्सच्या पुनर्विकासासाठी ना हरकत प्रमाणपत्र (NOC) देण्यासाठी आणि फ्लॅट्स ताब्यात देण्यासाठी अधीक्षक पंकज कुमार यांनी एक कोटी रुपयांची लाच मागितल्याचा आरोप होता.
CGST अधिकाऱ्याने मागितली होती एक कोटींची लाच
सीबीआयच्या प्रवक्त्याने दिलेल्या माहितीनुसार, तक्रारीच्या पडताळणीदरम्यान आरोपी अधिकाऱ्याने १० सप्टेंबरला १० लाख रुपये रोख मागितले होते. तसेच, त्याने खरेदी केलेल्या फ्लॅटचे डाउन पेमेंट म्हणून २० लाख रुपये आणि नवी दिल्लीतील डीजी एचआरडी सीजीएसटीच्या (DG HRD CGST) इतर अधिकाऱ्यांसाठी ७० लाख रुपये नंतर देण्याची मागणी केली होती.
गुरुवारी सीबीआयने सापळा रचला. यावेळी अधीक्षक पंकज कुमार यांनी तक्रारदाराला १० लाखांची लाच तिथे उपस्थित असलेल्या प्रसाद कुमार स्वामी या सीजीएसटी सल्लागाराकडे देण्यास सांगितले. त्यानंतर सीबीआयने गुरुवारी दोन्ही आरोपींना अटक केली. शुक्रवारी त्यांना न्यायालयात हजर केले असता, न्यायालयाने त्यांना दोन दिवसांची पोलीस कोठडी सुनावली आहे.
📌 महत्वाच्या बातम्या
- भोकरदन SDPO कार्यालयातील लॉ ऑफिसरला उच्च न्यायालयाचा दिलासा; कंत्राटी सेवा राहणार सुरू
- पैठणमधील 79 ग्रामपंचायतींवर प्रशासकांची नियुक्ती; रखडलेल्या विकासकामांना मिळणार गती
- जरांगे पाटलांची मुंबईत उपोषणाची घोषणा; परिस्थिती चिघळण्यापूर्वी सरकारने तोडगा काढावा, रोहित पवारांचा सल्ला
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
