Ajit Pawar | टीम महाराष्ट्र देशा: राज्याच्या राजकारणात दररोज काही ना काही घडामोडी घडत असतात. अशात राज्यातील उत्कृष्ट मुख्यमंत्री कोण? या संदर्भात एक जाहिरात छापण्यात आली होती. यामध्ये मुख्यमंत्री एकनाथ शिंदे (Eknath Shinde) यांना उत्कृष्ट मुख्यमंत्री म्हणून पसंती मिळाली आहे. याच पार्श्वभूमीवर राजकीय वर्तुळातून विविध प्रतिक्रिया येत आहे. यावर विरोधी पक्ष नेते अजित पवार यांनी प्रतिक्रिया दिली आहे.
Eknath Shinde forgot Balasaheb Thackeray – Ajit Pawar
सोशल मीडियावर व्हायरल होत असलेली ही जाहिरात शिवसेनेकडून देण्यात आली आहे. या जाहिरातीमध्ये पंतप्रधान नरेंद्र मोदी (Narendra Modi) आणि एकनाथ शिंदे यांचा फोटो आहे. मात्र, या जाहिरातीमध्ये कुठेच बाळासाहेब ठाकरे यांचा फोटो नाही. यावर बोलताना अजित पवार म्हणाले (Ajit Pawar), “एकनाथ शिंदे किंवा जाहिरात देणारे एवढ्या लवकर कसं काय बाळासाहेब ठाकरे यांना विसरले? काय माहित. शिंदे गट म्हणतो आम्ही बाळासाहेब ठाकरे यांच्या विचारांचे आहोत. मात्र त्या जाहिरातीमध्ये कुठेही बाळासाहेबांचा फोटो नाही.”
पुढे बोलताना ते (Ajit Pawar) म्हणाले, “अशा प्रकारच्या जाहिराती आम्ही कधी बघितल्या नाही. जाहिरातीमध्ये बाळासाहेबांचा फोटो न वापरून तुम्ही त्यांना अपमान केला आहे. देवेंद्र फडणवीस यांच्या पेक्षा एकनाथ शिंदे यांची लोकप्रियता जास्त आहे, हे भाजपला मान्य आहे का?”
“एकनाथ शिंदे यांनी ही जाहिरात करून स्वतःचं हसू करून घेतलं आहे. लोकप्रियता दाखवण्यासाठी सत्ताधारी पक्ष स्वतःमध्ये स्पर्धा करत आहे. तुम्हाला जर खरंच जनतेचं मत जाणून घ्यायचा असेल, तर उद्या स्थानिक स्वराज्य संस्थेच्या निवडणुका जाहीर करा”, असं आवाहन देखील अजित पवार (Ajit Pawar) यांनी यावेळी बोलताना केला आहे.
महत्वाच्या बातम्या
- Cabinet Decisions । महाराष्ट्र मंत्रिमंडळ निर्णय १३ जून २०२३
- Viral Post | नोकरीच्या नावाखाली फसवणाऱ्याला मुलींनं घडवली अद्दल! नक्की काय आहे प्रकरण?
- Weather Update | नागरिकांनो सतर्क रहा! पुढील 3 ते 4 तास पुण्यासह ‘या’ जिल्ह्यात मुसळधार पावसाची शक्यता
- Twitter India | शेतकरी आंदोलनाच्या बातम्या दडपण्यासाठी भाजपने ट्विटरवर दबाव टाकला
- Athwani Movie Poster | प्रेम जितकं जुनं होत जातं, तितकं मुरत जातं… ‘आठवणी’ चे पोस्टर रिलीज
