🕒 1 min read
गुवाहाटी, १४ जुलै २०२५: आसाममधील दिब्रुगड येथे कृत्रिम बुद्धिमत्ता (AI revenge) तंत्रज्ञानाचा गैरवापर करून एका माजी प्रियकराने आपल्या पूर्वाश्रमीच्या प्रेयसीची बदनामी केल्याचा धक्कादायक प्रकार समोर आला आहे. या प्रकरणात आरोपीने AI च्या साहाय्याने बनावट अश्लील फोटो आणि व्हिडीओ ( AI revenge porn ) तयार करून इंटरनेटवर विकले आणि तब्बल १० लाख रुपये कमावले. पीडित तरुणीने दिब्रुगड पोलिसांत तक्रार दाखल केल्यानंतर आरोपीला अटक करण्यात आली आहे.
दिब्रुगडमधील एका प्रसिद्ध मॉडेलच्या आयुष्यात हा प्रकार घडला, तिचा माजी प्रियकर प्रतिम बोरा याने प्रेमसंबंध तुटल्यानंतर आणि ती दुसऱ्या व्यक्तीशी लग्न करणार असल्याचे समजल्यानंतर तिच्याविरुद्ध कट रचला. त्याने AI तंत्रज्ञानाचा वापर करून पीडितेचे खोटे अश्लील फोटो आणि व्हिडीओ तयार केले. हे कंटेंट @ishtaraamira या सोशल मीडिया हँडलवरून प्रसारित करण्यात आले, ज्यामुळे पीडिता रातोरात चर्चेचा विषय ठरली. विशेषतः, तिचे केंड्रा लस्टसारख्या पॉर्नस्टारसोबतचे बनावट फोटो व्हायरल झाल्याने तिची नाहक बदनामी झाली.
Ex-Boyfriend Used AI Revenge Porn
पीडितेने या प्रकाराची तक्रार दाखल केल्यानंतर दिब्रुगड पोलिसांनी तातडीने कारवाई करत प्रतिम बोराला अटक केली. दिब्रुगडचे पोलीस अधीक्षक सिझल अग्रवाल यांनी सांगितले की, आरोपीने link3 सारख्या वेबसाइटवर सबस्क्रिप्शन सुरू करून बनावट व्हिडीओ विकले आणि त्यातून १० लाख रुपये कमावले. “आरोपीने आपला गुन्हा कबूल केला आहे. AI तंत्रज्ञानाचा असा गैरवापर करून एखाद्याची बदनामी करणं हे अत्यंत गंभीर आहे,” असे अग्रवाल यांनी सांगितले.
सायबर सुरक्षेचा प्रश्न ऐरणीवर
या प्रकरणाने AI तंत्रज्ञानाच्या गैरवापरासह सायबर सुरक्षेचा प्रश्न पुन्हा एकदा ऐरणीवर आणला आहे. @ishtaraamira या हँडलवरून प्रसारित झालेले फोटो आणि व्हिडीओ यांना १३ लाख फॉलोअर्स कसे मिळाले, याबाबत अद्याप स्पष्टता नाही. तसेच, पीडित तरुणीच्या इन्स्टाग्राम हँडलचा गैरवापर कसा झाला, याचीही चौकशी सुरू आहे. या घटनेमुळे समाजमाध्यमांवरील खोट्या बातम्या आणि बनावट कंटेंटचा प्रसार रोखण्यासाठी कठोर कायद्यांची गरज अधोरेखित झाली आहे.
पीडितेची प्रतिक्रिया आणि पुढील तपास
या प्रकरणात पीडित तरुणीने अद्याप कोणतेही सार्वजनिक निवेदन जारी केलेले नाही. तथापि, तिच्या जवळच्या मित्रांनी सांगितले की, या घटनेमुळे तिला मोठा मानसिक धक्का बसला आहे. पोलिस आता या प्रकरणात इतर संभाव्य सहभागी व्यक्तींचा शोध घेत आहेत आणि AI टूल्सच्या गैरवापराला आळा घालण्यासाठी तांत्रिक तज्ज्ञांची मदत घेतली जाणार आहे. या घटनेने आसामसह संपूर्ण देशात खळबळ माजवली आहे.
📌 महत्वाच्या बातम्या
- प्रवीण गायकवाड हल्ला प्रकरण: विधानसभेत पडसाद, मुख्यमंत्र्यांकडून कारवाईची माहिती
- माझ्या हत्येचा कट भाजपने रचला होता, फडणवीस सरकार जबाबदार! – प्रवीण गायकवाड
- बहिणींच्या संसाराचा बळी देणारे, दारूड्यांचं सरकार आहे का? जितेंद्र आव्हाडांचा संतप्त सवाल
बातम्यांसाठी YouTube चॅनेल Subscribe करा
Subscribe Now
